फूल , मेवा र चर्पी

फूल , मेवा र चर्पी

५६ दिन अगाडि

|

५ जेठ २०८१

ठुम्रार साहित्यिक बखेरीके ९७औं श्रृंखला निम्जल

ठुम्रार साहित्यिक बखेरीके ९७औं श्रृंखला निम्जल

६३ दिन अगाडि

|

२९ वैशाख २०८१

ठुम्रार साहित्यिक बखेरीके ९७औं श्रृंखला वैशाख २९ गते सनिच्चरके निम्जल बा ।  काठमाडौं, कीर्तिपुरके पाँगास्थित बरघर रेस्टुरेण्टमे हुइल कार्यक्रममे गणेश वर्तमान, शिव शक्ति, निरज बाबु, जगत वशिष्ठ, शत्रुघन चौधरी, नन्दुराज चौधरीलगायत स्रस्टालोग रचना वाचन कर्ले रहिट ।  कार्यक्रममे बर्का पहुना नाउपाके संघीय सांसद अरुण चौधरीके कहाइ रहे, ‘मै पहिचानके मुद्दा बोकल पार्टीसे जिटल सांसद हु । मने आजकल मोरे पार्टी पहिचान छोरटि जाइटा कि, बिस्रैटि जाइटा कि कना चिन्ता लागठ ।’ उहाँ जनतनके आवाज उठाइक लग कलम चलैना स्रस्टन हरदम सम्मान कर्ना कहटि सब्जे मिल्के थारु समाज आगे बह्राइ पर्ना जरुरी रहल बटैलाँ । कार्यक्रममे नाउपाके कैलाली जिल्ला अध्यक्ष प्रदीप चौधरी, डा रामबहादुर चौधरी, प्रसादु थारु, गजेन्द्र दहित, सिताराम चौधरी, सरला चौधरीलगायत बोलुइयन कार्यक्रमहे निरन्तरता डेहे पर्ना सुझाव डेले रहिट । कार्यक्रम डा कृष्णराज सर्वहारीके घरगोस्याइमे हुइल रहे ।  ठुम्रार साहित्यिक बखेरी २०६९ माघसे सुरु हुइल रहे । कोरोना कालपाछे यकर श्रृंखला अनियमित बटिस ।

कर्णालीमा १३औं लोकवार्ता सम्मेलन हुने

कर्णालीमा १३औं लोकवार्ता सम्मेलन हुने

६६ दिन अगाडि

|

२६ वैशाख २०८१

                                                              लोकवार्ता परिषद्का महासचिव ध्रुवप्रसाद भट्टराई आफ्ना भनाई राख्दै । सबै तस्विरः डिल्ली रमण सुवेदी लोकवार्ता परिषद् नेपालले १३औं लोकवार्ता सम्मेलन कर्णालीमा आयोजना गर्ने भएको छ । यो वर्षको कात्तिक पहिलो साता (३ गतेदेखि ११ गतेसम्म) कर्णाली प्रदेशका मुगु, जुम्ला र कालिकोट जिल्लामा संगोष्ठी आयोजना हुने काठमाडौमा एक औपचारिक कार्यक्रम गरी परिषद्ले जनाएको छ । सम्मेलनलाई सफल पार्न परिषद्ले कर्णाली सम्मेलनका संयोजक, व्यवस्थापकसहित कर्णाली क्षेत्रका जनप्रतिनिधि, सरकारी कर्मचारी, लेखक, साहित्यकार, पत्रकार, संस्कृतिविद् र सरोकारवालाहरुसँग काठमाडौमा वैशाख २३ गते आइतवार पूर्वतयारी छलफल गरेको हो ।  छलफलमा कर्णालीबाट प्रतिनिधित्व गर्ने प्रतिनिधिसभा सदस्यहरु ऐनबहादुर शाही, कान्तिका सेजुवाल, प्रदेश सांसद नरेश भण्डारी लगायतको सहभागिता रहेको थियो । ती सबैले सम्मेलन सफल पार्न आफूहरुको सहयोग रहने बताए । १३औं लोकवार्ता सम्मेलनका कर्णाली संयोजक मनोहर लामिछानेले हाम्रा सरकारी कागजपत्र हराएमा प्रतिलिपि निकाल्न सकिने तर हाम्रा परम्परा हराए पुनः फर्काउन नसकिने बताउँदै उनले कर्णालीका लोकसंस्कृति संरक्षण गर्न आवश्यक रहेको, त्यसैका लागि यसपाली कर्णाली छानिएको बताए ।  सम्मेलनलाई सफल बनाउन जुम्लाको लागि माधव चौलागाईँ, कालिकोटका लागि मोतीराज बम र मुगुको लागि तिलक बहादुर मल्ललाई संयोजक तोकिएको छ। आगामी जेठ ४ गतेबाट स्थानीय क्षेत्रको भ्रमणमा जाने र त्यहाँ पनि विभिन्न चरणमा छलफलका कार्यक्रम राखिएको आयोजकले जानकारी दिएको छ । लोकवार्ता परिषद्का महासचिव ध्रुवप्रसाद भट्टराईले सम्मेलनमा स्थानीय, राष्ट्रिय र अन्तर्राष्ट्रिय लेखकहरुका कार्यपत्रहरु प्रस्तुत हुने गरेको जानकारी दिए । यस वर्ष कर्णाली क्षेत्रकै अनुसन्धानदाताका कार्यपत्रलाई प्राथमिकता दिइने उनले बताए ।  आगामी सम्मेलनमा स्थानीय लेखकहरुका २० भन्दा बढी कार्यपत्र संकलन भइसकेको स्थानीय संयोजक राजबहादुर कुँवरले जानकारी दिए ।  परिषद्का उपाध्यक्ष यज्ञराज उपाध्यायले लोकवार्ता सम्मेलनको प्रमुख उद्देश्य भनेकै लोकवार्ताका कर्णाली नेपाली भाषाको उद्गमस्थल, संस्कृति र सभ्यताको जननी र हाम्रा जातजातिको विस्तारको क्षेत्र रहेको बताउँदै त्यहाँका लोकवार्ताका सामग्रीहरुको संकलन र संरक्षण गर्न आवश्य रहेको  बताए ।  २०६८ सालमा पोखराबाट सुरु भएको लोकवार्ता सम्मेलन प्रत्येक वर्ष विशेषतः कात्तिक महिनामा देशका विभिन्न जिल्लाहरुमा आयोजना हुने गरेको छ ।  छलफल कार्यक्रममा माधव चौलागाईंको कृति ‘सपादलक्ष कर्णाली’ बारे पनि चर्चा गरिएको थियो । पत्रकार टीकाराम यात्रीले पुस्तकबारे प्रकाश पारेका थिए । कार्यक्रम लोकवार्ता परिषद्का अध्यक्ष अध्यक्ष प्रेमकुमार खत्रीको अध्यक्षतामा भएको थियो ।   

ठाकुरबाबा प्रज्ञा प्रतिष्ठानले खुला लोकनृत्य प्रतियोगिता गर्ने 

ठाकुरबाबा प्रज्ञा प्रतिष्ठानले खुला लोकनृत्य प्रतियोगिता गर्ने 

७४ दिन अगाडि

|

१८ वैशाख २०८१

ठाकुरबाबा प्रज्ञा प्रतिष्ठान, सैनवार, बर्दियाले आगामी जेठ १५ गते गणतन्त्र दिवसको अवसरमा खुला लोक नृत्य प्रतियोगिता आयोजना गर्ने भएको छ । प्रतिष्ठानद्वारा वैशाख ११ गते आयोजित थारु भाषा, कला, संस्कृतिको संरक्षण, सम्वद्र्धन पहिचान गोष्ठीको समीक्षा गर्दै अन्य महत्वपूर्ण निर्णय गरेको छ । प्रतिष्ठानका उपाध्यक्ष खगेन्द्र नेपालका अनुसार ठाकुरबाबा नगरपालिका अन्तर्गतका सामुदायिक बिद्यालयका शिक्षकहरूका लागि १५ लिने मादल बाजा बजाउने तालिम तथा ठाकुरबाबा प्रज्ञा प्रतिष्ठानको मुखपत्रका रुपमा पहिलो अङ्ग प्रकाशनका लागि लेख रचना आह्वान गर्ने पनि निर्णय गरिएको छ । 

६ जना थारु स्रष्टा सम्मानित

६ जना थारु स्रष्टा सम्मानित

७८ दिन अगाडि

|

१४ वैशाख २०८१

थारु भाषा, साहित्य, कला, संस्कृतिमा योगदान पुर्याउने बर्दियाका ६ जना थारु स्रष्टा ठाकुरबाबा प्रज्ञा प्रतिष्ठान, बर्दियाबाट  सम्मानित  भएका छन् ।  ढिलो गरी प्राप्त समाचार अनुसार सम्मानित हुनेमा सन्तराम धरकटुवा थारु, श्यामलाल थारु प्रतीक, धनीराम थारु, गायकद्वय दर्पण कुसुम्या र सन्तराम चौधरी तथा ठग्गु थारु रहेका छन् ।  वैशाख ११ गते ठाकुरबाबा प्रज्ञा प्रतिष्ठानद्वारा ठाकुरबाबा नगरसभा हल, भुरीगाउँंमा आयोजित थारु भाषा, साहित्य, कला, संस्कृतिको संरक्षण सम्वद्र्धनका लागि कार्यक्रम पहिचान विषयक् गोष्ठीमा ती स्रष्टाहरुलाई सम्मान गरिएको हो । ठाकुरबाबा नगरपालिकाका उपप्रमुख विना भट्टराईले स्रष्टाहरुलाई सम्मान गरेकी थिइन् । कार्यक्रममा सोही विषयमा नेपाल प्रज्ञा प्रतिष्ठानका प्राज्ञसभा सदस्य डा कृष्णराज सर्वहारीले अवधारणापत्र प्रस्तुत गरेका थिए ।  स्रस्टाहरुलाई सम्मानको कार्यक्रमलाई निरन्तरता दिने  ठाकुरबाबा प्रज्ञा प्रतिष्ठानका उपाध्यक्ष खगेन्द्र नेपालले बताए । कार्यक्रमका प्रमुख अतिथि ठाकुरबाबा नगरपालिकाका प्रमुख तिलक लम्सालले आफ्नो नगरपालिकामा ५४ प्रतिशत थारु समुदायको वसोवास रहेकाले थारु भाषा, साहित्य, कला, संस्कृतिको संरक्षण सम्वद्र्धनमा नगरपालिका सदैव लागी पर्ने बताए । कार्यक्रममा ठाकुरबाबा प्रज्ञा प्रतिष्ठानका थारु भाषा विभाग प्रमुख भिख्खुराम थारु, नेपाल प्रज्ञा प्रतिष्ठानका प्राज्ञसभा सदस्य महानन्द ढकाल लगायतले मन्तव्य राखेका थिए । कार्यक्रम ठाकुरबाबा प्रज्ञा प्रतिष्ठानका अध्यक्ष कृष्णप्रसाद पौडेलको सभापतित्वमा भएको थियो ।