मुक्त कमलरीहरुलाई खाजा तथा चिया नास्ताको तालिम सुरु

 मुक्त कमलरीहरुलाई खाजा तथा चिया नास्ताको तालिम सुरु

३ दिन अगाडि

|

०५ वैशाख २०८१

दाङको धारापानीमा बढ्यो पर्यटकको चहलपहल

दाङको धारापानीमा बढ्यो पर्यटकको चहलपहल

४ दिन अगाडि

|

०५ वैशाख २०८१

घोराही उपमहानगरपालिका ५, धर्ना, दाङमा रहेको धारपानीमा पर्यटकीय गतिविधि बढेको छ । पछिल्लो समय आन्तरिक पर्यटकको रोजाइमा परेपछि यहाँ चहलपहल बढेको हो । धारापानी घुम्न आएका राजापुर नगरपालिका ३, मुरैयाका शिला आचार्यले साथीहरुमाझ चर्चा चलेकाले घुम्न आएको बताइन् । ‘धारापानीको चर्चा धेरै सुनेकाले घुम्न आएको हुँ, यहाँ आउन पाउँदा निकै खुसी लागेको छ’, उनले भनिन् । त्रिशूल, ॐ पोखरी मन्दिरभित्र रहेको पार्क रमाउन पाउँदा आनन्द महसुस गरेको उनले सुनाइन् । धारापानीमै तुलसीपुर उपमहानगरपालिका १९ का सविन केसी पनि भेटिए । शनिबारको दिन साथीहरुसँग वनभोजका लागि धारापानी आएको उनले सुनाए । अरुले भनेको र सुनेकोभन्दा आफूले प्रत्यक्ष देख्न पाउँदा निकै फरक हुने भन्दै उनले यो क्षेत्र पर्यटकीय गन्तव्य बन्न सक्ने बताए । पछिल्लो समय पार्कसहितको पोखरी निर्माणले यहाँको सौन्दर्य बढाएको छ । घोराही बजारदेखि ९ किलोमिटर दक्षिणमा पर्ने धारापानी मन्दिरमा निजी सवारी साधन, सार्वजनिक बस तथा अटोरिक्साबाट सजिल पुग्न सकिन्छ । सो स्थानसम्म पुग्ने सडक पक्की भएकाले स्थानीय र बाह्य पर्यटकको उपस्थितिले चहलपहल बढेको स्थानीयको भनाइ छ । धारपानीमा ५५.५ फिट उचाइको पञ्चधातुको त्रिशुल निर्माण गरिएको छ । पछिल्लो समयमा बिदाको दिन परिवारसँग र साथीभाइ मिलेर घुम्न आउनेको संख्या बढ्न थालेको मन्दिर व्यवस्थापन समितिका अध्यक्ष गणेशकुमार अधिकारीले बताए । दाङलगायत छिमेकी जिल्लाबाट पर्यटक आउने गरेको उनले सुनाए । यातायातको सुविधा र घोराही बजारको नजिकै भएका कारण पनि पर्यटकको रोजाइको विषय बनेको उनको बुझाइ छ । ‘दाङ आउने अधिकांश मानिस धारापानी पुगेको जस्तो लाग्छ’, उनले भने, ‘वनभोजका लागि यहाँ बाह्रै महिना भीडभाड हुने गरेको छ ।’ अग्लो त्रिशुल, १०८ शिवलिंग, १०८ बरपिपल जोडी, १०८ समीका वृक्ष, ॐ कुण्ड, पाण्डव शयन शिला, विभिन्न देवीदेवताका मन्दिर, वनजंगल त्यहाँ पुग्ने पर्यटकको रोजाइ बन्ने गरेको छ । नजिकै सरयू गंगा बबई नदी र वरपर हरियाली वातावरण भएका कारण पनि दैनिक हजारौँको संख्यामा बाह्य र आन्तरिक पर्यटकको मनै लोभ्याउँछ । मन्दिर व्यवस्थापन समितिका सचिव विष्णुराम आचार्यले धामदेखि करिब २ सय किलोमिटर दक्षिण डाँडामाथि सुनकोटमा भगवतीको मन्दिरसम्म पुग्नलाई ४ हजार ९ सय ६३ सिँढी बनाउने काम सुरु भएको जानकारी दिए । गेट निर्माण, पार्किङको व्यवस्था, सिमसार क्षेत्र, तलाउ, टापु लगायतका संरचना गुरुयोजना अनुसार बनेका छन् । गुरुयोजना दाता र राज्यको लगानीमा अगाडि बढेको आचार्यले बताए । सुनकोटमा देवीको मन्दिर तयार गरेर भइसकेको छ । धारापानी धामलाई धार्मिक ग्रामका रुपमा विकशित गर्नका लागि दुईवटा खाजा घर, १२ वटा पूजा सामग्री पसल र एउटा कोसेली घर सञ्चालनमा रहेको सचिव आचार्यले जानकारी दिए । कोसेली घर स्थापना घोराही उपमहानगरपालिकाको आर्थिक सहयोगमा धारापानीमा कोसेली घर स्थापना भएको छ । कोसेली घरमा स्थानीय उत्पादन राखिएको छ । स्थानीयस्तरमा उत्पादन भएका वस्तुलाई बिक्री गर्ने उद्देश्यले कोसेली घरको स्थापना गरेको घोराही उपमहानगरपालिकाका प्रमुख नरुलाल चौधरीले बताए । दाङमा उत्पादन हुने माटोको भाँडा, बाँसका सामग्री, दाल, मसौरा, सिन्की, सिमठारो चामल जस्ता उत्पादनले दाङको पहिचान दिने भएकाले यस्ता ‍वस्तु बिक्रीका लागि कोसेली घर निर्माण गरिएको उनले बताए । रासस 

सुदूरपश्चिममा नाउपाको ‘बटमलाइन’ आफ्नै नेतृत्वमा सरकार निर्माण

सुदूरपश्चिममा नाउपाको ‘बटमलाइन’ आफ्नै नेतृत्वमा सरकार निर्माण

१० दिन अगाडि

|

२९ चैत २०८०

धनगढी । सुदूरपश्चिम प्रदेशमा निर्णायक रहेको नागरिक उन्मुक्ति पार्टी (नाउपा)ले आफ्नै नेतृत्वमा सरकार निर्माण गर्ने बटमलाइन तय गरेको छ । पार्टी संरक्षक रेशमलाल चौधरीको उपस्थितिमा बुधबार बसेको सातै जना सांसदबिचको छलफलले आफ्नै नेतृत्वमा सरकार निर्माण गर्न पहल थाल्ने निर्णय गरेको हो ।  काम चलाऊ सरकारका सामाजिक विकास मन्त्री लक्ष्मणकिशोर चौधरीले बैठकले पार्टीभित्र आन्तरिक द्वन्द्व नरहेको तथा आफूहरू एक ढिक्का रहेको सन्देश दिन खोजेको बताए । साथै कमल बहादुर शाह नेतृत्वको सरकार ढलेपछि अब बन्ने सरकार नाउपाको नेतृत्वमा बन्ने निष्कर्ष रहेको उनले बताए । उनले भने, ‘जनतालाई दिएको बाचा अनुसार अबको सरकार नाउपाकै नेतृत्वमै बन्छ । मुख्यमन्त्रीसहित २ क्याबिनेट मन्त्री हाम्रो दाबी हो । सो अनुसारको ग्राफ उहाँहरूलाई (अन्य राजनीतिक दल)लाई पठाइ सकेको छाँै ।’ साथै मन्त्री चौधरीले नयाँ सत्ता समीकरण अनुसार सरकार बनाउने सम्भावना प्रबल रहेको आशय व्यक्त गरे । प्रदेश प्रमुख नजिर मियाँले वैशाख २ गतेसम्म दिएको समयसीमाभित्र सरकार बन्ने उनले बताए ।   सुदूरपश्चिमको सबैभन्दा ठुलो दल नेपाली कांग्रेस पनि सरकार निर्माणमा अग्रसर देखिएको छ । नाउपालाई नेतृत्व दिएर सहयोग गर्न कांग्रेस तयार रहेको मुख्यमन्त्री निकट स्रोतले बतायो । तर अझै नाउपाले कुन गठबन्धन अनुसार सरकार निर्माण गर्नेबारे भने ठोस निर्णय लिन नसकेको हो । यहाँ कांग्रेसका १८ सांसद छन् । नाउपालाई कांग्रेसका सबै सांसदले साथ दिँदा पनि २ सांसद अपुग हुने देखिन्छ । बहुमतको लागि पुनः राप्रपा र स्वतन्त्र सांसदकै साथ अनिवार्य हुन जान्छ । अर्कोतिर यहाँ नयाँ सत्ता गठबन्धनका माओवादीका सभामुखसहित ११, एमालेका १० नाउपाका कारबाही बाहेक ६ र नेकपा एकीकृत समाजवादीका ४ सांसद छन् । जसबाट सहज रुपमा सरकार बन्ने देखिन्छ । दलको नेता यथावतै त्यस्तै, नाउपा अध्यक्ष रञ्जिता श्रेष्ठले बर्खास्त गरिएको भनिएको संसदीय दलका नेता घनश्याम चौधरी नै दलको नेतामा कायम रहेको बताइएको छ । सभामुख भीमबहादुर भण्डारीले पनि प्रदेश सभाले पार्टीलाई भन्दा संसदीय दललाई चिन्ने भएको हुँदा घनश्याम चौधरी कायम रहेको एक सांसदले बताए । नाउपा अध्यक्ष श्रेष्ठले घनश्याम चौधरीलाई हटाएर दलको नेतामा कैलाश चौधरीलाई जिम्मेवारी दिएको पत्र सभामुख भण्डारीलाई पठाएकी थिइन् ।

रेशम चौधरीलाई अध्यक्षको मान्यता नदिनुको कारण देखाउन सर्वोच्चको आदेश

रेशम चौधरीलाई अध्यक्षको मान्यता नदिनुको कारण देखाउन सर्वोच्चको आदेश

१३ दिन अगाडि

|

२५ चैत २०८०

नागरिक उन्मुक्ति पार्टी (नाउपा)का अध्यक्षमा रेशमलाल चौधरीलाई मान्यता नदिनको कारण देखाउन सर्वोच्च अदालतले आदेश दिएको छ। सर्वोच्च अदालतका न्यायाधीश महेश शर्मा पौडेलको एकल इजलासले आइतबार निर्वाचन आयोगको नाममा कारण देखाउन आदेश दिएको हो। सर्वोच्चले रिट निवेदकको माग बमोजिम किन अन्तरिम आदेश जारी गर्नु नपर्ने हो कारण देखाउन भनेको छ। गएको पुस २७ मा कैलालीको टीकापुरमा सम्पन्न नाउपाको महाधिवेशनबाट रेशमलाल चौधरी अध्यक्षमा निर्विरोध निर्वाचित भएका थिए। महाधिवेशनलगत्तै केन्द्रीय समितिलाई अध्यावधिक गर्न निर्वाचन आयोगनमा निवेदन दिएका थिए। तर, निर्वाचन आयोगले टीकापुर घटनामा दोषी ठहर भएको विषयलाई लिएर अध्यक्षमा मान्यता दिन नमिल्ने फागुन २४ मा निर्णय गरेको थियो। आयोगका विरुद्ध चौधरी सर्वोच्च अदालत पुगेका थिए। रिटमा निर्वाचन आयोग र नाउपा अध्यक्ष रञ्जिता श्रेष्ठलाई विपक्षी बनाइएको छ। चैत २३ गते दर्ता भएको चौधरीको रिटमाथि आइतबार सुनुवाइ गर्दै सर्वोच्च अदालतले कारण देखाउन आदेश दिएको हो। यससँगै सर्वोच्चले अन्तरिम आदेश दिने कि नदिने भन्ने निर्णय गर्न दुवै पक्षलाई छलफलका लागि बोलाएको समाचार छ। दुबै पक्षको झगडाले नाउपा केन्द्र तथा सुदूरपश्चिम  र लुम्विनी प्रदेशमा सरकार बाहिर छ । लुम्विनी प्रदेशमा एमाले सहितको नयाँ गठबन्धनलाई नाउपाले समर्थन गरिसकेको छ ।   

२५ लाख राशिको खोजमूलक पत्रकारिता पुरस्कारका लागि आवेदन आह्वान

२५ लाख राशिको खोजमूलक पत्रकारिता पुरस्कारका लागि आवेदन आह्वान

२२ दिन अगाडि

|

१६ चैत २०८०

बारबरा फाउन्डेसनले खोजमूलक पत्रकारिता पुरस्कार २०८१ का लागि आवेदन आह्वान गरेको छ । हरेक २ वर्षको अन्तरमा प्रदान गरिने यस पुरस्कारको कुल धनराशि २५ लाख रुपैयाँको रहेको छ । २०७९ वैशाखदेखि २०८० चैतसम्म २४ महिनाभित्रमा प्रकाशन र प्रसारण भइसकेका अनुसन्धानमूलक समाचार र सामग्रीले यस प्रतिष्पर्धामा भाग लिन पाउने फाउन्डेसनले जनाएको छ ।   उक्त पुरस्कार पहिलो हुनेलाई १५ लाख , दोस्रो हुनेलाई ७ लाख र तेस्रो हुनेलाई ३ लाख प्रदान गरिनेछ । पुरस्कारको घोषणा आउदो वैशाख २१ मा गरिनेछ । प्रतिष्पर्धामा आउने सामग्री पत्रपत्रिका, टेलिभिजन, रेडियो, पोडकास्ट वा डिजिटल पोर्टलमा प्रकाशित र प्रसारित हुनुपर्ने फाउन्डेसनले जनाएको छ । 

सुदूरपश्चिम सरकारलाई दिएको समर्थन फिर्ता नलिए कार्वाही हुने अध्यक्ष रन्जिताको चेतावनी

सुदूरपश्चिम सरकारलाई दिएको समर्थन फिर्ता नलिए कार्वाही हुने अध्यक्ष रन्जिताको चेतावनी

२२ दिन अगाडि

|

१६ चैत २०८०

नागरिक उन्मुक्ति पार्टीपार्टीका सबै पाँचै मन्त्रीले जिम्मेवारी पाएको प्रसंग सेलाउन नपाउँदै पार्टी अध्यक्ष रञ्जिता श्रेष्ठ चौधरीले सुदूरपश्चिम प्रदेश सरकारलाई दिएको समर्थन फिर्ता लिन निर्देशन दिएकी छिन् । अध्यक्ष श्रेष्ठ चौधरीले सुदूरपश्चिम प्रदेश संसदीय दलका नेता घनश्याम चौधरीलाई सम्बोधन गर्दै चैत १६ गते लेखिएको पत्रमा कांग्रेस नेतृत्वको प्रदेश सरकारलाई दिएको समर्थन फिर्ता लिन निर्देशन दिएकी हुन् । फिर्ता नलिए कारबाही गर्ने उनले चेतावनी समेत दिएकी छिन् । उता, संसदीय दलका नेता चौधरीले प्रदेश सरकारलाई दिएको समर्थन कायमै रहने बताएका छन् । यसैगरी, अर्को प्रसंगमा वर्तमान गठबन्धनमा केन्द्रमा नाउपाले संघीय मन्त्री पाए आफू मन्त्री नबन्ने अध्यक्ष रञ्जिता श्रेष्ठ चौधरीले बताएकी छिन् । 

सुदूरपश्चिममा नाउपाका सबै मन्त्रीले पाए जिम्मेवारी 

सुदूरपश्चिममा नाउपाका सबै मन्त्रीले पाए जिम्मेवारी 

२३ दिन अगाडि

|

१६ चैत २०८०

सुदूरपश्चिम प्रदेशमा  नागरिक उन्मुक्ति पार्टी (नाउपा)का तर्फबाट सरकारमा गएका पाँचै जनाले जिम्मेवारी पाएका छन् । मुख्यमन्त्री कमलबहादुर शाहले विहीवार बिना विभागीय मन्त्री खुसीराम डगौरा थारुलाई उद्योग पर्यटन वन तथा वातावरण मन्त्रालयको जिम्मेवारी दिएपछि सबैले जिम्मेवारी पाएका हुन् । नाउपा अध्यक्ष रञ्जिता श्रेष्ठको अध्यक्षतामा बैठकले प्रदेशमा समेत अहिलेको सत्तागठबन्धनलाई समर्थन गर्ने निर्णय गरेको भोलिपल्ट मुख्यमन्त्री शाहले थारुलाई जिम्मेवारी दिएका हुन् । मन्त्रालयमा पुगेर थारुले पदभार सम्हालेका छन् । मुख्यमन्त्री शाहले बिहीबार नै नाउपाका बिना विभागीय मन्त्री लक्ष्मणकिशोर चौधरीलाई सामाजिक विकास मन्त्रालयको जिम्मेवारी दिएका थिए । यो सँगै मुख्यमन्त्री शाह नेतृत्वमा रहेको अल्पमतको सरकारले पूर्णता पाएको छ । शाहको सरकारमा आर्थिक मामिला मन्त्री नाउपाका घनश्याम चौधरी, भूमि व्यवस्था कृषि तथा सहकारी मन्त्रीमा रामेश्वर चौधरी र कृषि राज्यमन्त्रीमा इन्दिरा गिरी छन् । माओवादी र एकीकृत समाजवादीले समर्थन फिर्ता लिएपछि मुख्यमन्त्री शाहले आफ्नो पक्षमा बहुमत पुगाउन नाउपाका ७ मध्ये चार सांसदलाई मन्त्री र एकलाई राज्यमन्त्री बनाएका छन् ।  अल्पमतको सरकारलाई शाहले पूर्णता दिएपनि बहुमत भने पुगेको छैन । शाहको पक्षमा कांग्रेसका १८ र नाउपाका ७ गरेर २५ जना छन् । उनलाई बहुमतका लागि २७ जनाको समर्थन चाहिन्छ ।