नागरिक उन्मुक्तिमा पशुपति क्षेत्र विकास कोषको पूर्व सदस्य सचिव डा ढकाल प्रवेश

नागरिक उन्मुक्तिमा पशुपति क्षेत्र विकास कोषको पूर्व सदस्य सचिव डा ढकाल प्रवेश

५४९ दिन अगाडि

|

१६ भदौ २०७९

‘नागरिक उन्मुक्ति पार्टी कर्णाली प्रदेशमा उकालो लागेकै हो ?’ 

‘नागरिक उन्मुक्ति पार्टी कर्णाली प्रदेशमा उकालो लागेकै हो ?’ 

५४९ दिन अगाडि

|

१६ भदौ २०७९

महेन्द्र उपाध्याय पेशाले इन्जिनियर हुन् । साहित्यमा समेत दख्खल राख्ने उनी एमपी केयरलेसको नामले कलम चलाउँछन् । छँदाखाँदाको इन्जिनियरको सरकारी जागिरबाट राजीनामा दिएर उनी यही वैशाख ३० को चुनावमा होमिएका थिए ।  नागरिक उन्मुक्ति पार्टीको तर्फबाट लम्की–चुहा नगरपालिकाको मेयरमा उठेका उपाध्यायले सम्मानजनक मत ल्याए पनि जित्न भने सकेनन् । उनी आगामी संसदीय चुनावमा समेत आंकाक्षी छन् । कैलाली क्षेत्र नं २ (क)बाट प्रदेश सांसदको लागि उनले दावी गरेका छन् ।  हालै उनले नागरिक उन्मुक्ति पार्टीको कर्णाली प्रदेशको इन्चार्जको जिम्मेवारी पाएका छन् । प्रस्तुत छ, उक्त प्रदेशमा पार्टीको संगठन विस्तारको कामबारे केन्द्रीत रही ढकियाखबर प्रतिनिधिले  उनीसँग गरेको संक्षिप्त कुराकानीको सम्पादित अंशः  नागरिक उन्मुक्ति पार्टी अब थरुहट तराईबाट उकालो लागेको हो ? कर्णाली प्रदेशमा नागरिक उन्मुक्ति कसरी अगाडि बढ्दैछ ? नागरिक उन्मुक्ति पार्टी उकालो लाग्नु भन्दा पनि आफ्नो पहिचान सुरक्षित गर्दै अगाडि बढेको हो भन्ने बुझौं । यसै क्रममा कर्णाली प्रदेशमा पनि संगठन बिस्तारको काम हुँदैछ । भन्नाले आगामी मंसिर ४ को चुनावमा नागरिक उन्मुक्ति पार्टीले कर्णालीमा पनि उम्मेदवार उठाउँछ, हो ? हो, यसपालि हामी सकेसम्म कर्णाली प्रदेशमा रहेका सबै क्षेत्रबाट उम्मेदवार उठाउने लक्ष्यमा छौ । केही क्षेत्रमा त उम्मेदवार समेत ‘फिक्स’ भैसके । थरुहट तराई क्षेत्रमा आधार रहेको पार्टी हो, तपाईंहरुको । कुन कुन मुद्दा लिएर जाँदै हुनुहुन्छ कर्णाली प्रदेशमा ? हाम्रो पार्टी आफ्ना प्रतिबद्धतामा गम्भीर छ । हामीले पहिचान दिलाउँछौ भनेकै छौ । त्यसैले कर्णालीको असली पहिचान दिलाउन लागि पर्नेछौ । सिञ्जा सभ्यता जस्तो गौरवशाली इतिहास बोकेको ठाउँ हो कर्णाली, जसले कहिल्यै हात फैलाएन । आज उहीँ ठाउँलाई एनजीओ आएजनजीओसँग हात डास्नुपर्ने कसले बनायो ? के यही माग्ने पहिचान हो कर्णाली प्रदेशको ? कदापि होइन । हजुरलाई अवगत नै होला, नेपालका पूर्वदेखि पश्चिमसम्म फैलिएका  बाहुन क्षत्रीको उद्गम थलो भनेकै कर्णाली प्रदेश हो । कर्णालीले पर्यटकका लागि  रारा  बेचिरहनु  पर्दैन । ‘जाने है त तपाईंको पुख्र्यौली ठाउँ’ भन्ने नारासहित पर्यटन वर्ष मनाउने हो भने नेपालको एक चौथाइ मान्छे कर्णालीको आफ्नो गाउँ गाउँ पुग्छ । त्यसैले, हाम्रो पार्टीलाई कर्णाली पुग्न गाह्रो छैन । कर्णालीका जनताले सुन्लान् त तपाईंहरुको कुरा ? कर्णालीको असली पहिचान हामी दिन्छौ भन्दा अवश्य सुन्लान् भन्ने हामी आशावादी छौं । माथि मैले भनेको पर्यटन सम्बन्धिको योजनाले कर्णालीको हरेक घर होम स्टे बन्न सक्छ । त्यो योजनामा सरकारको लागत भनेको सडक र खानेपानीमा मात्र लगानी गर्नुपर्छ । जनताको जे जस्तो घर छ, त्यही पाहुना आएर बस्छन । कर्णालीको विकास सातै प्रदेशमध्ये सबैभन्दा कम लागतमा  गर्न सकिन्छ । मात्र पोलिसी मेकिङ चाहिएको हो त्यो हामीसँग छ । जसले सबैलाई पहिचान दियो, आज उसैको पहिचान दोधारको अवस्थामा छ । हामी त्यो दोधार चिर्छौं ।  यसरी नेपालमा छरिएर रहेका सगोत्रीको भेटघाट हुन्छ, सम्बन्ध बढ्छ । नागरिक उन्मुक्ति कर्णालीको पहिचानलाई स्थायी गर्न जाँदैछ कर्णालीमा । यस्ता अनेकौ नीति छन् हामीसँग । मेरो  विचारमा कर्णालीको विकास सातै प्रदेशमध्ये सबैभन्दा कम लागतमा  गर्न सकिन्छ । मात्र पोलिसी मेकिङ चाहिएको हो त्यो हामीसँग छ । जसले सबैलाई पहिचान दियो, आज उसैको पहिचान दोधारको अवस्थामा छ । हामी त्यो दोधार चिर्छौं ।  कर्णालीमा संगठन विस्तारको अबको योजना कस्तो छ ? यही भदौ १६ गते कर्णालीको सुर्खेत, मुगु, हुम्ला लगायत जिल्लामा साता दिने संगठन बिस्तारको क्रममा जाँदैछु । कार्यकर्ताहरु उत्सहित छन् । जिम्मेवारी बाँडफाँटपछि थप उत्साहित हुनेछन् भन्ने आशा छ ।

थारू बौद्ध समाज रुपन्देही जिल्ला समिति गठन

थारू बौद्ध समाज रुपन्देही जिल्ला समिति गठन

५५० दिन अगाडि

|

१५ भदौ २०७९

भैरहवा   थारु बौद्ध समाज केन्द्रीय समितिले मंगलबार रुपन्देहीमा पहिलो जिल्ला भेला सम्पन्न गरेको छ । रुपन्देहीको ओमसतिया गाउँपालिका–२, पडसरीमा अवस्थित थारु कल्याणकारिणी सभाको जिल्ला सभाहलमा सो भेला सम्पन्न भएको हो । भेलाले राज चौधरी (सैनामैना)को अध्यक्षतामा १३ सदस्यीय जिल्ला कार्यसमिति चयन गरेको छ । जसको उपाध्यक्षमा रिता चौधरी (बुटवल), सचिव मनजीत चौधरी(तिलोत्तमा), सहसचिव रिता चौधरी (तिलोत्तमा) र कोषाध्यक्ष कृष्ण कुमारी चौधरी (तिलोत्तमा) रहेका छन् ।  त्यस्तै सदस्यहरुमा चित्ररेखा चौधरी (बुटवल), केशब चौधरी (कोटहीमाई), सोमनाथ थारु (देवदह), अयोध्या चौधरी (देवदह), धनराज चौधरी (ओमसतिया), श्याम बहादुर थारु (ओमसतिया) र हरिचन्द्र चौधरी (शुद्धोदन) रहेका छन् र एक जना सदस्य कार्यसमितिको बैठकबाट निर्णय गरी मनोनित गरिने बताइएको छ ।  त्यसैगरी सल्लाहकारहरुमा सतिशकुमार चौधरी, बिजय बहादुर सिंह थारु, रेखाप्रसाद चौधरी, नरसिंह चौधरी र सरिता चौधरी रहेका छन् ।  उक्त भेलालाई नेपाल थारु राष्ट्रिय मंचका केन्द्रीय अध्यक्ष रेखाप्रसाद चौधरी, थारु कल्याणकारिणी सभा रुपन्देहीका अध्यक्ष सतिशकुमार चौधरी लगायतले सम्बोधन गरेका थिए । कार्यक्रमको उद्घाटन समाजका केन्द्रीय उपाध्यक्ष रामकुमार चौधरीद्वारा बुद्ध बन्दना वाचन गरेर गरिएको थियो । कार्यक्रम समाजका केन्द्रीय अध्यक्ष गोकुल थारुको सभाध्यक्षता, केन्द्रीय उपाध्यक्ष राजेन्द्र चौधरीको स्वागत र केन्द्रीय सचिव राजेश चौधरीको सञ्चालनमा सम्पन्न भएको थियो ।

कञ्चनपुरमा अझै हुन सकेन मुक्तकमैयाको पुनःस्थापना

कञ्चनपुरमा अझै हुन सकेन मुक्तकमैयाको पुनःस्थापना

५५० दिन अगाडि

|

१५ भदौ २०७९

                                                                                                                      फायल फोटोः केर्नी न्यूज कञ्चनपुर सरकारले मुक्त घोषणा गरेको दुई दशकभन्दा बढी हुँदा पनि यहाँका मुक्तकमैयाको न्यायोचित पुनःस्थापनाको कार्य हुन सकेको छैन । मुक्त कमैयालाई पुनःस्थापना गर्दा खोला बगर, वन क्षेत्र, सुकुम्बासीले भोग चलन गरेको जग्गा उपलब्ध गराउँदा नदी कटानसँगै बसोबास गर्न नसकिने बाटो किनार जङ्गलका छेउछाउको जग्गामा बस्न बाध्य पारिएको मुक्तकमैयाका अगुवाले बताए । शिक्षा, स्वास्थ्य, रोजगारमा मुक्त कमैयाको पहुँच नपुगाइएको मुक्तकमैया अगुवाको भनाइ छ ।  “मुक्तकमैयाको जीविकोपार्जन गर्न कुनै विकल्प छैन”, मुक्त कमैया समाज  जिल्ला समिति कञ्चनपुरका अध्यक्ष घाँसीराम रानाले भने, “वर्षायाममा र गर्मीयाम सिजनल मजदुरीबाहेक काम पाउने अवस्था छैन ।” रोजगारीका लागि छिमेकी देश भारत गएर न्यून ज्यालामा काम गर्नुपर्ने भएकाले जीवन निर्वाह गर्न समस्या भएको उनले उल्लेख गरे ।  जग्गा बन्धक राख्न नपाउने भएकामा सीप भएकाले कुनै बैंक तथा वित्तीय संस्थाबाट ऋण लिन नसकि व्यवसाय गर्न नपाएको समाजका सचिव रामप्रसाद रानाले बताए । मुक्त कमैया बालबालिका शिक्षाबाट वञ्चित भइरहेको उल्लेख गर्दै रानाले विद्यालय भर्ना गरे पनि आर्थिक अभावले बीचमै विद्यालय छुटाएर कमलरी लगाउन बाध्य भएको बताए । “आर्थिक अभावले धेरै बाललबालिका उच्च शिक्षासम्म पुग्न सक्दैनन्”, उनले भने, “उच्च शिक्षा अध्ययन गरिरहेका बालबालिकालाई छात्रवृत्ति उपलब्ध नहुँदा समस्या छ ।”  बस्तीमा विद्यालय भए पनि शिक्षक दरबन्दी नहुँदा सञ्चालनमा समस्या रहेको उनको भनाइ छ । मुक्तकमैया अगुवा लाहुरे डगौराले हालसम्म जग्गा पाएर पुनःस्थापन भएका मुक्त कमैयाको सङख्या चार हजार दुई सय ८९ रहेको जानकारी दिए । उनका अनुसार कञ्चनपुरमा जग्गा सट्टा पाएका एक सय २९, पुनःस्थापना हुन बाँकी एक सय २९ र पुनःस्थापना भएका जग्गा नदीले कटान गरी विस्थापनमा परेका मुक्तकमैयाको सङख्या तीन सय ६१ रहेको छ । हालसम्म ‘क’ वर्गको रातो परिचयपत्र पाएका तीन हजार नौ सय २४, ‘ख’ वर्गको निलो परिचयपत्र पाएका चार सय ९५, ‘ग’ वर्गको पहेलो परिचयपत्र पाएका ३३ र ‘घ’ वर्गको सेतो परिचयपत्र पाएका गरी जम्मा चार हजार पाँच सय पाँचले मुक्तकमैया परिचयपत्र पाएका छन् । रासस  

रन्जिताले गरिन् कैलाली–१ बाट उम्मेदवारीको घोषणा

रन्जिताले गरिन् कैलाली–१ बाट उम्मेदवारीको घोषणा

५५७ दिन अगाडि

|

०८ भदौ २०७९

काठमाडौं नागरिक उन्मुक्ति पार्टीकी केन्द्रीय अध्यक्ष रन्जिता श्रेष्ठ चौधरीले कैलाली–१ बाट उम्मेदवारीको घोषणा गरेकी छिन् ।  आज बुधबार कैलालीको लम्कीमा मौन जुलुस तथा कोणसभा कार्यक्रममा उनले उम्मेदवारी घोषणा गरेकी हुन् ।  कोणसभालाई सम्बोधन गर्दै उनले २०७२ भदौ ७ गतेको टीकापुर घटनामा थारु समुदायलाई मात्रै दोष दिइएको तर भदौ ८ को थारुहरुको घर, पसलमा आगजनी गरिएको घटना नजरअन्दाज नगरिएकोमा दुःखेसो पोखिन् । यसअघि प्रधानमन्त्री देउवा पत्नी आरजु देउवा जहाँ उठ्ने, त्यहीँबाट रन्जिताले चुनाव लड्ने हल्ला आए पनि अब त्यो हल्लामा सीमित भएको छ ।  तीन हप्ते मेची–काली अभियान कहिले कहाँ ? नागरिक उन्मुक्ति पार्टीको तीन हप्ते मेची–काली अभियान भदौ ६ बाट सुरु गरेको छ । यस क्रममा पहिलो दिन कञ्चनपुरमा संगठन बिस्तारको कार्यक्रम तथा दोस्रो दिन ७ गते टीकापुरमा थरुहट विद्रोहको स्मरण दिवस मनाएको छ । तेश्रो दिन आज कैलालीको लम्कीमा मौन जुलुस तथा कोणसभा कार्यक्रम गरिएको छ । मेची–काली अभियान अन्तर्गत भदौ ९ गते बाँकेको राप्तीसोनारी, भदौ १० गते दाङदेउखुरी, भदौ ११ गते कपिलबस्तु, भदौ १२ गते रुपन्देही, भदौ १३ गते नवलपरासी कार्यक्रम गरिने भएको छ । त्यस्तै, भदौ १४ गते चितवन, भदौ १५ गते पर्सा, भदौ १६ गते बारा, भदौ १७ गते रौतहट, भदौ १८ गते सर्लाही तथा भदौ १९ गते महोत्तरी कार्यक्रम गरिने भएको छ ।  त्यस्तै, भदौ २० गते धनुषा, भदौ २१ गते सिराहा, भदौ २२ गते सप्तरी, भदौ २३ गते सुनसरी, भदौ २४ गते मोरङ, भदौ २५ गते झापा तथा भदौ २६ गते उदयपुरमा नागरिक उन्मुक्ति पार्टीले कार्यक्रम गर्ने भएको छ । पार्टीका संरक्षक रेशम चौधरीका अनुसार पार्टीले पहाड क्षेत्र लगायत हालसम्म ४१ जिल्लामा प्रदेश तथा संघीय सांसदको उम्मेदवारी दिने भएको छ । तर मेची–काली अभियानमा पहाडी जिल्लामा कार्यक्रम समेटिएको छैन ।   

रेशमसहित राजबन्दीलाई तत्काल रिहाइ गर्न टीकापुरमा एकै स्वर

रेशमसहित राजबन्दीलाई तत्काल रिहाइ गर्न टीकापुरमा एकै स्वर

५५८ दिन अगाडि

|

०७ भदौ २०७९

टीकापुर २०७२ भदौ ७ गते टीकापुरमा घटना भएको दिनलाई विद्रोह दिवसको रुपमा मनाउन मंगलबार टीकापुरमा दुइ स्थानमा छुट्टा–छुट्टै कार्यक्रम गरिएको छ । कार्यक्रमका वक्ताहरूले सांसद् रेशम चौधरीसहित सम्पूर्ण राजबन्दीलाई रिहा गर्नुपर्ने आवाज बुलन्द गरे । साथै, ठूला पार्टीहरुले टीकापुर घटनालाई राजनीतिक घटना भने पनि निर्णय गर्न नसकेको अभिव्यक्ति दिए ।  नागरिक उन्मुक्ति पार्टीले आयोजना गरेको कार्यक्रममा भजनी नगरपालिकाका मेयर केवल चौधरीले भने, ‘अधिकार प्राप्तीको राजनीतिक आन्दोलनमा राज्यले दमन गर्दा टीकापुर घटना घटेको हो । यहाँको सुशासन र विकासको लागि राज्यले टीकापुर घटना सम्बन्धमा सम्बोधन गर्न ढिलाइ गर्नु हुन्न ।  सोही कार्यक्रममा नेता लक्ष्मण थारुले हालसम्म थारुहरुको राजनीतिक आन्दोलनलाई सरकारले आपराधिक आन्दोलनको रुपमा लिएको आरोप लगाए । उनले कार्यक्रममा उपस्थित जनतालाई आगामी प्रदेश तथा संघको चुनावलाई आन्दोलनको रुपमा लैजान आह्वानसमेत गरे । टीकापुर विद्रोहको जगमा नागरिक उन्मुक्ति पार्टीको जन्म भएको बताउँदै नेता थारुले सरकारले हालसम्म आफूहरुको मुद्दाप्रति सकारात्मक नरहेको बताए । उनले भने, ‘आमजनताको एउटै माग छ, टीकापुर घटना राजनीतिक हो । यसलाई राजनीतिक ढंगले नै सम्बोधन गरिनुपर्छ ।’ स्थानीय निर्वाचनमा नागरिक उन्मुक्ति पार्टीले कैलालीको चार पालिकामा जित्नु आन्देलनकै देन भएको धारणा राख्दै उनले आगामी चुनावलाई पनि आन्दोलनको रुपमा लिन आह्वान गरे ।  त्यस्तै, थरुहट, थारुवान राष्ट्रिय मोर्चा तथा थारु कल्याणकारिणी सभालगायतले आयोजना गरेको अर्को कार्यक्रमलाई सम्बोधन गर्दै टीकापुर नगरपालिकाका मेयर रामलाल डंगौराले भने, ‘विकास, समृद्धि र सद्भावको लागि तत्काल टीकापुर घटनाको अभियोगमा थुनिएका सबै राजबन्दीहरुलाई तत्काल रिहा गरिनुपर्छ ।’  आसन्न निर्वाचन अगाडि नै जेलबन्दीहरुलाई रिहा गरी सामाजिक सद्भावको वातावरण राज्यले सिर्जना गर्नुपर्ने समेत मेयर डंगौराको माग थियो ।  लम्की चुहा नगरपालिकाकी मेयर सुशीला शाहीले भनिन्, ‘कैलालीका सबै स्थानीय तहले टीकापुर घटनालाई राजनीतिक घटना रहेको निर्णय गरिसकेका छन् । त्यसैले, सो घटनाका अभियोग लागेकाहरुको रिहाइका लागि तुरुन्त पहल गरिनुपर्छ ।’ थारु कल्याणकारिणी सभाका केन्द्रीय सदस्य रामचरण चौधरीले टीकापुर घटनाको निकासको लागि लाल आयोगको प्रतिवेदन तत्काल सार्वजनिक गर्नुपर्ने माग राखे । सरकारले प्रतिवेदन सार्वजनिक गर्न ढिलाइ गरिँदा थारुलगायत उत्पीडित समुदायमाथि अन्याय भएको उनको जिकिर थियो । थरुहट, थारुवान राष्ट्रिय मोर्चा तथा थारु कल्याणकारिणी सभाले कार्यक्रम आयोजना गरे पनि कार्यक्रममा काँग्रेस, मओवादीको झन्डा टााँगिएको थियो ।   

प्रकाशकीयः पहिचानको लागि पत्रकारिता

प्रकाशकीयः पहिचानको लागि पत्रकारिता

५५८ दिन अगाडि

|

०७ भदौ २०७९

आदरणीय पाठकबृन्द,  थारू विद्रोहको उत्कर्ष टीकापुर घटना (२०७२ भदौ ७) को आज ठिक ७ वर्ष पुरा भएको छ । ऐतिहासिक विद्रोह दिवसकै दिन २०७९ भदौ ७ गते हामी चली गोचाली मिडिया प्रालिको तर्फबाट ढकिया भरी समाचार, विचार बोकी ढकियाखबर डटकम (dhakiyakhabar.com) अनलाइन डिजिटल पत्रिका लिएर यहाँहरूको माझमा आइपुगेका छौं ।  सत्यतथ्य समाचार, निष्पक्ष विचार यस पत्रिकाको मूल मर्मलाई आत्मसात गर्दै हामी विविधता र राष्ट्रिय एकतामा जोड दिई अगाडि बढ्ने प्रण गर्दछौं । विचारप्रधान रहेको यो ढकियाखबर (dhakiyakhabar.com ) ले उत्पीडित जाति, समुदाय, वर्ग, लिंगको भाषा, संस्कृति, संस्कार, अधिकारको वकालत गर्ने तथा सत्ता र शक्तिमा रहेकाहरूलाई बिना झिझक खबरदारी गर्नेछ, पहरेदारी गर्नेछ ।  अहिलेको युगमा पत्रिकाबिना पाठक कुहिरोका कागझैं हुने र पाठकबिना पत्रिका झन बाँच्नै नसक्ने हुँदा पत्रिका र पाठकबिचको सम्बन्ध नङ र मासुको जस्तो हुनपर्दछ भन्ने कुरालाई हामी सदैव ध्यानमा राखी अगाडि बढ्नेछौं ।  जनताका पीरमर्का, चाहना, सन्देश सरकार समक्ष पुर्याउन भरपर्दो पुलको काम गर्नमा हामी सदा तत्पर छौं । पत्रिकालाई यहाँहरूको भित्रैदेखिको माया, साथ र सहयोग आवश्यक छ । यहाँहरूले ढकियाखबरमा रहेको तीतो मीठो समाचार, विचारमा खुल्ला बहस गर्न सक्नुहुन्छ । तपाईंहरुको विचारलाई पनि उचित स्थान दिन तम्तयार छौं । तपाईंहरुले आफ्ना मनमा लागेका विचार सम्प्रेषण गर्नुहुनेछ भन्ने कुरामा हामी विश्वस्त छौं ।  पाठक बृन्द, ढकिया खास गरी थारू समुदायका महिलाहरूले हातबाटै बुन्ने सामान बोक्ने, राख्ने एउटा विशेष भाँडो हो । यो हस्तकलाबाट निर्मित पहिचानमूलक भाँडो हो, थारूहरुको पहिचान हो । जुन पहिचानलाई थरुहट तराई पार्टी नेपालले २०७० सालमा आफ्नो चुनाव चिन्ह बनाएको थियो । थरुहट तराई पार्टी नेपाल समयको गर्तमा हराइसक्यो ।   अहिले रञ्जिता श्रेष्ठ चौधरी नेतृत्वको नागरिक उन्मुक्ति पार्टीले पनि ढकियालाई आफ्नो चुनाव चिन्ह बनाएको छ । नागरिक उन्मुक्ति पार्टीको चुनाव चिन्ह ढकिया रहेको र हाम्रो पत्रिकाको नाम पनि ढकियाखबर डटकम राखिएबाट कतिपयलाई लाग्न सक्छ, कतै यो नागरिक उन्मुक्ति पार्टीको मुखपत्र जस्तो त होइन ? तर यो शंका उपशंकालाई कृपया बाहिरै राख्नु होला । ढकियाले थारू लगायत आदिवासी पहिचानलाई अहिले जसरी उत्कर्षमा पुर्याएको छ, त्यो अरु कुनै शब्दले लिन सकेको छैन । त्यसैले, हामीले पहिचानको सम्मानको खातिर ढकियाखबर डटकम नाम जुराएका हौं । हामी पहिचानको लागि नयाँ डगर पहिल्याउने यात्रामा छौं । यहाँहरूलाई हामी भित्रैदेखि के अनुरोध गर्न चाहन्छौं भने तपाईंहरू नाम भन्दा बढी पत्रिकाको काम हेर्नुहोला, मूल्याङकन गर्नुहोला ।  थारू लगायत आदिवासी महिलाहरूले अब धेरै मेहनतका साथ रङ्गीचङ्गी ढकिया, डेल्वा जस्ता हस्तकलाका सामान बुन्नमा मात्रै केन्द्रीत नहोऊन् । पुरुषहरु हलो, फाली, जाल लगायत सामग्री बनाउन मात्रै केन्द्रीत नहोऊन् । उनीहरु आफ्नो समाजको मूल मुद्दालाई पनि चासो राखून्, बुझून् । ढकियामा अब सामान मात्रै होइन, विचार पनि राखुन् भन्ने मनसायले चली गोचाली मिडिया प्रालिले अनलाइन पत्रिकाको नाम dhakiyakhabar.com न्वारन गरेको छ ।  dhakiyakhabar.com यहाँहरूको बिचमा छ । यहाँहरूको पूर्ण साथ र सहयोग हामीलाई रहन्छ भन्नेमा विश्वस्त छौ । अन्तमा हामीलाई शुभकामना उपलब्ध गराउनु हुने सम्पूर्ण महानुभावहरुप्रति आभारी छौं । यस्तै, यस्तो साथ सहयोग निरन्तर रहनेछ भन्ने अपेक्षा गर्दछौ । धन्यवाद !   दिलबहादुर चौधरी अध्यक्ष  चली गोचाली मिडिया प्रालि