बर्दियाका लालबहादुर र अस्मिता भए मिस्टर एण्ड मिस थारू
९७४ दिन अगाडि
|
२६ भदौ २०७९
तस्विरः रजनीकान्त जसराज
‘मिस्टर एण्ड मिस थारु २०२२’ को उपाधि बर्दियाका लालबहादुर रत्गैया र अस्मिता चौधरीले जितेका छन् ।
शनिबार काठमाडौँमा आयोजित ग्राण्ड फिनालेमा १६ जना प्रतिस्पर्धीलाई उचिछन्त्दै चौधरीले मिस थारुको उपाधि चजत्दा १५ प्रतिस्पर्धीलाई पछि पार्दै रत्गैयाले मिस्टर थारुको उपाधि हात पारे ।
दुबै विजेताले नगद ५० हजार, क्राउन र अन्य विभिन्न उपहार प्राप्त गरे । जह इन्टरटेनेमन्ट प्रालिले आयोजना गरेको कार्यक्रममा मिस थारुतर्फ चितवनकी सोनुकुमारी महतो फस्ट रनरअप र सप्तरीकी सदीक्षा चौधरी सेकेण्ड रनरअप भए । दुबैले क्रममा ३० र २० हजार, क्राउनलगायत अन्य उपहार प्राप्त गरे ।
त्यसैगरी मिस्टर थारु तर्फ सप्तरीका रोशन चौधरी फस्ट रनरअप र पर्साका लीलानाथ प्रसाद थारु सेकेण्ड भए । ती दुबैले पनि क्रमश ३० र २० हजार नगद र अन्य उपहार पाए ।
विभिन्न अवार्डहसमेत प्रदान गरिएको कार्यक्रममा मिस थारुतर्फ ट्यालेन्ट सोनु महतो, पर्सनालिटी रञ्जु चौधरी, बेस्ट वाक बिना धमला थारु, कल्चर रिप्रिजेन्टिटिभ सुष्मा कुमारी चौधरी, डिसिप्लिन केनिशा चौधरी, फोटोजेनिक रेनुका चौधरी घोषित भए ।
त्यस्तै मिस्टर थारुतर्फ ट्यालेन्ट असिम थारु, पर्सनालिटी लालबहादुर रत्गैया, बेस्ट वाक आशिष चौधरी, कल्चर रिप्रिजेन्टिटिभ आशिष थारु, डिसिप्लिन हेमन्त चौधरी, फोटोजेनिक लिलानाथ प्रसाद थारु र पब्लिक च्वाईस राजीव चौधरीले पाए । थारु कला, संस्कृति प्रवद्र्धन गर्ने हेतुले जह इन्टरटेनेमन्ट प्रा।लिले कार्यक्रम आयोजना गरेको जनाएको छ।
प्रत्येक वर्ष मिस एन्ड मिस्टर थारु प्रतियोगिता भए पनि कार्यक्रमपछि यी सेलिब्रिटी केही समयपछि गुमनाम हुने गरेका छन् । पूर्व मिस्टर थारु चन्दन चौधरी गत स्थानीय चुनावमा लहान नगरपालिकाको मेयरमा स्वतन्त्र उम्मेदवार थिए । तर निकै थोरै मत ल्याएका थिए ।
