गच्छदार  सर्वसम्मत उम्मेदवार सिफारिसः आफूले नै जित्ने दावी

 गच्छदार  सर्वसम्मत उम्मेदवार सिफारिसः आफूले नै जित्ने दावी

६७८ दिन अगाडि

|

१९ भदौ २०७९

नागरिक उन्मुक्तिले समानुपातिक उम्मेदवारी दिन चाहनेलाई तोक्यो सम्पर्क व्यक्ति

नागरिक उन्मुक्तिले समानुपातिक उम्मेदवारी दिन चाहनेलाई तोक्यो सम्पर्क व्यक्ति

६७९ दिन अगाडि

|

१८ भदौ २०७९

काठमाडौं सबैजसो पार्टीले आगामी मंसिर ४ गते हुने प्रदेश तथा प्रतिनिधि सभाको चुनावका लागि प्रत्यक्षमा उठ्ने उम्मेदवार सिफारिस गरिरहेको समाचार आइरहेको छ । तर नागरिक उन्मुक्तिले भने प्रत्यक्ष मनोनयनको सूचीलाई ठाँटी राख्दै समानुपातिक उम्मेदवारी दिन चाहनेलाई सम्पर्क राख्न सम्पर्क व्यक्ति तोकेको छ । कैलालीका लागि सम्पर्क व्यक्तिको रुपमा कार्यालय सचिव बुद्धि प्यासीलाई तोकेको छ । यसै क्रममा १८ जनालाई सम्पर्क व्यक्तिलाई जिम्मेवारी तोकिएको छ । कैलाली र बर्दियामा प्रत्यक्षमा को को छन् चर्चामा ?  रेशम चौधरीले जितेको कैलाली क्षेत्र नम्बर १ मा पार्टी अध्यक्ष रन्जिता श्रेष्ठ चौधरी प्रतिनिधि सभामा उम्मेदवारीको उद्घोष गरिसकेकी छिन् । १ नम्बर क्षेत्रबाट प्रदेश सभामा लक्ष्मणकिशोर थारु तथा तीर्थ बोहराको चर्चा छ ।  त्यस्तै, कैलालीको २ नम्बर क्षेत्रबाट प्रतिनिधि सभामा उम्मेदवारीको लागि अरुण चौधरी तथा ३ नम्बर क्षेत्रमा नागरिक उन्मुक्ति पार्टीबाट प्रतिनिधि सभामा उम्मेदवारीको लागि गंगा डंगौराको नाम सुनिश्चित जस्तै छ । २ नम्बर क्षेत्रबाट प्रदेश सभामा रतन थापा र महेन्द्र उपाध्यायको तथा ३ नम्बर क्षेत्रबाट प्रदेश सभामा इन्दु थारुको चर्चा छ ।  ४ नम्बर क्षेत्रमा हालै नेपाल समाजवादी पार्टीबाट  नागरिक उन्मुक्ति पार्टीमा प्रवेश गरेका राजाराम चौधरी आंकाक्षी छन् । उनी नेसपमा समाजवादी थारु संघको केन्द्रीय महसचिव थिए । उता टीकापुर घटनामा दोषी ठहर भई हाल अद्र्धभूमिगत रहेका लक्ष्मण थारू कैलाली–५ बाट संघीय चुनाव लड्ने उद्घोष गरिसकेका छन् ।  रेशम चौधरी आफू बर्दिया–२ बाट संघीय चुनाव लड्ने मनस्थिति बनाएका छन् । यद्यपि नागरिक उन्मुक्ति पार्टीले अझैसम्म कुनै क्षेत्रको आधिकारिक मनोनयनको सूची सार्वजनिक गरेको छैन । बर्दिया क्षेत्र नं १ बाट डा प्रदीप ढकाल नागरिक उन्मुक्तिबाट प्रतिनिधि सभामा उम्मेदवारको आंकाक्षी छन् ।

अफताब आलम चुनाव लड्न पाउँछन् भने रेशम चौधरी, लक्ष्मण थारूहरूलाई केले रोक्छ ?

अफताब आलम चुनाव लड्न पाउँछन् भने रेशम चौधरी, लक्ष्मण थारूहरूलाई केले रोक्छ ?

६७९ दिन अगाडि

|

१८ भदौ २०७९

काठमाडौं  ज्यान मुद्दामा जेलमा रहेका मोहम्मद अफताव आलमलाई नेपाली काँग्रेस रौतहटले भदौ १६ गते क्षेत्र नम्बर २ बाट उम्मेदवार सिफारिस गरेको छ । आगामी मंसिर ४ मा हुने प्रतिनिधि सभा चुनावका लागि आलमको एकल नाम सर्वसम्मत रूपमा सिफारिस गरिएको रौतहट काँग्रेसले जनाएको छ । अफताव आलम ब्यक्ति हत्या आरोपमा जेल परेका हुन् । जबकि रेशम चौधरी, लक्ष्मण थारुहरुको टीकापुर घटना राजनीतिक मुद्दा हो । त्यसैले, काँग्रेसले आलमको चुनावमा सिफारिश गरेसँगै रेशम चौधरी, लक्ष्मण थारुहरुको पनि चुनावमा सहभागी हुने स्थिति देखिएको छ । २०७६ असोज २६ गते पक्राउ परेका आलम कात्तिक २९ गतेदेखि पुर्पक्षका लागि नख्खु कारागारमा छन् ।  २०७४ मा रौतहट २ बाटै निर्वाचित भएका उनीमाथि २०६४ चैत २७ मा रौतहटको राजपुरमा भएको बम बिस्फोटका घटनामा संलग्न रहेको अभियोग छ । त्यसबेला त्रिलोकप्रताप सिंह र ओसी अख्तरको मृत्यु भएको तथा घाइतेहरूलाई इँटाभट्टामा जिउँदै जलाइएको परिवारका सदस्यहरूले आरोप लगाउँदै आलममाथि किटानी जाहेरी दिएका थिए । रेशम चौधरी, लक्ष्मण थारुको पनि बाटो खुला ? टीकापुर घटनामा दोषी ठहर भई हाल डिल्लीबजार कारागारमा रहेका सांसद रेशमलाल चौधरी पनि संघीय चुनाव लड्न आंकाक्षी छन् । उनी आफू बर्दिया–२ बाट संघीय चुनाव लड्ने मनसुवा बनाएका छन् । यद्यपि नागरिक उन्मुक्ति पार्टीले अझैसम्म कुनै क्षेत्रको आधिकारिक मनोनयनको सूची सार्वजनिक गरेको छैन ।  रेशम चौधरी उम्मेदवारी दिने भनेको बर्दिया–२ बाट काँग्रेसले प्रतिनिधि सभामा डा गोपाल दहितको नाम उम्मेदवारमा मनोनयन गरेको छैन । बर्दिया–२ को क बाट प्रदेशसभामा छप्पुराम चौधरी तथा ख मा मिनराज चौधरीको नाम मनोनयनमा परेको छ । तर डा दहितलाई पाखा लगाइएका कारण यी दुबैले टिकट पाउन ग्यारेण्टी देखिदैन ।  उता टीकापुर घटनामा दोषी ठहर भई हाल अद्र्धभूमिगत रहेका लक्ष्मण थारू कैलाली–५ बाट संघीय चुनाव लड्ने उद्घोष गरिसकेका छन् ।  टीकापुर घटनाको मुद्दालाई नजिकबाट नियालेका अधिवक्ता शंकर लिम्बू रेशम चौधरी, लक्ष्मण थारूलाई चुनाव लड्न कानुनले नरोक्ने जिकिर गर्छन् । आदिवासी वकिलहरुको समूह (लाहुर्निप)मा आवद्ध अधिवक्ता लिम्बूकै पहलमा टीकापुर घटनाको विस्तृत जानकारी संयुक्त राष्ट्र संघसम्म पुगेको थियो ।  अधिवक्ता लिम्बूका अनुसार टीकापुर घटनाको मुद्दा फाइनल नै भएको छैन । त्यसैले अहिले रेशमहरु इक्ज्याक्टली दोषी हुन् या हैनन् भन्ने प्रमाणित भएको स्थिति होइन । अर्को पाटो फौजदारी अपराध हुँदैमा उठ्न नपाउने भन्ने हुँदैन । नैतिक पतन देखिने फौजदारी अपराधको कुराहरु हुन्छ । त्यस कारणले पनि नैतिक पतन देखिने फौजदारी अपराधको क्याटागोरीभित्र पर्छ कि पर्दैन ? अदालतले त्यसलाई कसरी व्याख्या गर्छ ? त्यो भविष्यको कुरा भयो ।  लिम्बू अगाडि भन्छन्, जतिबेला त्यो घटना घट्यो, त्यो बेलामा रेशम चौधरी अनि लक्ष्मण थारूहरु त टीकापुर घटनास्थलमै थिएनन् । घटनास्थलमै नभएका मान्छेहरु, लिडर मान्छेहरु अनि त्यस पछाडि कागज बनाएकै भरमा, कसैले योजना गरे भनेर भनेकै भरमा प्रमाणहरु पुष्टि हुँदैन ।  ‘अहिले चुनावमा रेशम चौधरीहरु उठे भने त्यसले के गर्छ भने बिस्तारै मान्छेले पुराना घटना बिर्सिदै जान्छ । आफ्नो पीडाहरु पनि बिर्सेर समाजमा पुनस्र्थापित हुन्छ । एउटा राम्रो वातावरण सिर्जना हुन्छ,’ अधिवक्ता लिम्बू भन्छन्, ‘यो एउटा अवसर पनि हो सरकारको । फेरि अहिलेको चुनावमा उठ्न दिइएन भने फेरि अर्को डिभिजन पूरा हुन्छ । जहिले पनि यस्तो खालको परिस्थिति सधैँभरि बाहिर ल्याइराख्नु राष्ट्रको लागि पनि हितकर हुँदैन ।’ यो पनि पढ्नुहोस्ः ‘रेशम चौधरी, लक्ष्मण थारूहरू चुनाव लड्न पाउँछन्’  

नागरिक उन्मुक्तिको वीरेन्द्रनगर संयोजकमा ऋद्धि बहादुर चौधरी

नागरिक उन्मुक्तिको वीरेन्द्रनगर संयोजकमा ऋद्धि बहादुर चौधरी

६७९ दिन अगाडि

|

१८ भदौ २०७९

सुर्खेत वीरेन्द्रनगर नगरपालिकाको नागरिक उन्मुक्ति पार्टीको विशेष नगर भेलाबाट संयोजकमा ऋद्धि बहादुर चौधरी सर्वसम्मत चयन भएका छन् । शनिबार भएको भेलामा ऋद्धि बहादुर चौधरीको संयोजकत्वमा ३१ सदस्य नगर कमिटी गठन भएको छ । जसको सचिवमा मानकुमारी चौधरी छानिएकी छिन् । नागरिक उन्मुक्ति पार्टी कर्णाली प्रदेश इन्चार्ज महेन्द्र उपाध्यायको प्रमुख आतिथ्यतामा भएको कार्यक्रमको सहजीकरण केन्द्रीय सदस्य सन्तोष कठरियाले गरेका थिए । कैलाली क्षेत्र नम्बर १ का निर्वाचित सांसद रेशम चौधरीको संरक्षकत्वमा देशभरी नागरिक उन्मुक्ति पार्टीको संगठन विस्तार अभियान सुरु भएको छ ।   

‘नागरिक उन्मुक्ति पार्टी कर्णाली प्रदेशमा उकालो लागेकै हो ?’ 

‘नागरिक उन्मुक्ति पार्टी कर्णाली प्रदेशमा उकालो लागेकै हो ?’ 

६८१ दिन अगाडि

|

१६ भदौ २०७९

महेन्द्र उपाध्याय पेशाले इन्जिनियर हुन् । साहित्यमा समेत दख्खल राख्ने उनी एमपी केयरलेसको नामले कलम चलाउँछन् । छँदाखाँदाको इन्जिनियरको सरकारी जागिरबाट राजीनामा दिएर उनी यही वैशाख ३० को चुनावमा होमिएका थिए ।  नागरिक उन्मुक्ति पार्टीको तर्फबाट लम्की–चुहा नगरपालिकाको मेयरमा उठेका उपाध्यायले सम्मानजनक मत ल्याए पनि जित्न भने सकेनन् । उनी आगामी संसदीय चुनावमा समेत आंकाक्षी छन् । कैलाली क्षेत्र नं २ (क)बाट प्रदेश सांसदको लागि उनले दावी गरेका छन् ।  हालै उनले नागरिक उन्मुक्ति पार्टीको कर्णाली प्रदेशको इन्चार्जको जिम्मेवारी पाएका छन् । प्रस्तुत छ, उक्त प्रदेशमा पार्टीको संगठन विस्तारको कामबारे केन्द्रीत रही ढकियाखबर प्रतिनिधिले  उनीसँग गरेको संक्षिप्त कुराकानीको सम्पादित अंशः  नागरिक उन्मुक्ति पार्टी अब थरुहट तराईबाट उकालो लागेको हो ? कर्णाली प्रदेशमा नागरिक उन्मुक्ति कसरी अगाडि बढ्दैछ ? नागरिक उन्मुक्ति पार्टी उकालो लाग्नु भन्दा पनि आफ्नो पहिचान सुरक्षित गर्दै अगाडि बढेको हो भन्ने बुझौं । यसै क्रममा कर्णाली प्रदेशमा पनि संगठन बिस्तारको काम हुँदैछ । भन्नाले आगामी मंसिर ४ को चुनावमा नागरिक उन्मुक्ति पार्टीले कर्णालीमा पनि उम्मेदवार उठाउँछ, हो ? हो, यसपालि हामी सकेसम्म कर्णाली प्रदेशमा रहेका सबै क्षेत्रबाट उम्मेदवार उठाउने लक्ष्यमा छौ । केही क्षेत्रमा त उम्मेदवार समेत ‘फिक्स’ भैसके । थरुहट तराई क्षेत्रमा आधार रहेको पार्टी हो, तपाईंहरुको । कुन कुन मुद्दा लिएर जाँदै हुनुहुन्छ कर्णाली प्रदेशमा ? हाम्रो पार्टी आफ्ना प्रतिबद्धतामा गम्भीर छ । हामीले पहिचान दिलाउँछौ भनेकै छौ । त्यसैले कर्णालीको असली पहिचान दिलाउन लागि पर्नेछौ । सिञ्जा सभ्यता जस्तो गौरवशाली इतिहास बोकेको ठाउँ हो कर्णाली, जसले कहिल्यै हात फैलाएन । आज उहीँ ठाउँलाई एनजीओ आएजनजीओसँग हात डास्नुपर्ने कसले बनायो ? के यही माग्ने पहिचान हो कर्णाली प्रदेशको ? कदापि होइन । हजुरलाई अवगत नै होला, नेपालका पूर्वदेखि पश्चिमसम्म फैलिएका  बाहुन क्षत्रीको उद्गम थलो भनेकै कर्णाली प्रदेश हो । कर्णालीले पर्यटकका लागि  रारा  बेचिरहनु  पर्दैन । ‘जाने है त तपाईंको पुख्र्यौली ठाउँ’ भन्ने नारासहित पर्यटन वर्ष मनाउने हो भने नेपालको एक चौथाइ मान्छे कर्णालीको आफ्नो गाउँ गाउँ पुग्छ । त्यसैले, हाम्रो पार्टीलाई कर्णाली पुग्न गाह्रो छैन । कर्णालीका जनताले सुन्लान् त तपाईंहरुको कुरा ? कर्णालीको असली पहिचान हामी दिन्छौ भन्दा अवश्य सुन्लान् भन्ने हामी आशावादी छौं । माथि मैले भनेको पर्यटन सम्बन्धिको योजनाले कर्णालीको हरेक घर होम स्टे बन्न सक्छ । त्यो योजनामा सरकारको लागत भनेको सडक र खानेपानीमा मात्र लगानी गर्नुपर्छ । जनताको जे जस्तो घर छ, त्यही पाहुना आएर बस्छन । कर्णालीको विकास सातै प्रदेशमध्ये सबैभन्दा कम लागतमा  गर्न सकिन्छ । मात्र पोलिसी मेकिङ चाहिएको हो त्यो हामीसँग छ । जसले सबैलाई पहिचान दियो, आज उसैको पहिचान दोधारको अवस्थामा छ । हामी त्यो दोधार चिर्छौं ।  यसरी नेपालमा छरिएर रहेका सगोत्रीको भेटघाट हुन्छ, सम्बन्ध बढ्छ । नागरिक उन्मुक्ति कर्णालीको पहिचानलाई स्थायी गर्न जाँदैछ कर्णालीमा । यस्ता अनेकौ नीति छन् हामीसँग । मेरो  विचारमा कर्णालीको विकास सातै प्रदेशमध्ये सबैभन्दा कम लागतमा  गर्न सकिन्छ । मात्र पोलिसी मेकिङ चाहिएको हो त्यो हामीसँग छ । जसले सबैलाई पहिचान दियो, आज उसैको पहिचान दोधारको अवस्थामा छ । हामी त्यो दोधार चिर्छौं ।  कर्णालीमा संगठन विस्तारको अबको योजना कस्तो छ ? यही भदौ १६ गते कर्णालीको सुर्खेत, मुगु, हुम्ला लगायत जिल्लामा साता दिने संगठन बिस्तारको क्रममा जाँदैछु । कार्यकर्ताहरु उत्सहित छन् । जिम्मेवारी बाँडफाँटपछि थप उत्साहित हुनेछन् भन्ने आशा छ ।

थारू बौद्ध समाज रुपन्देही जिल्ला समिति गठन

थारू बौद्ध समाज रुपन्देही जिल्ला समिति गठन

६८२ दिन अगाडि

|

१५ भदौ २०७९

भैरहवा   थारु बौद्ध समाज केन्द्रीय समितिले मंगलबार रुपन्देहीमा पहिलो जिल्ला भेला सम्पन्न गरेको छ । रुपन्देहीको ओमसतिया गाउँपालिका–२, पडसरीमा अवस्थित थारु कल्याणकारिणी सभाको जिल्ला सभाहलमा सो भेला सम्पन्न भएको हो । भेलाले राज चौधरी (सैनामैना)को अध्यक्षतामा १३ सदस्यीय जिल्ला कार्यसमिति चयन गरेको छ । जसको उपाध्यक्षमा रिता चौधरी (बुटवल), सचिव मनजीत चौधरी(तिलोत्तमा), सहसचिव रिता चौधरी (तिलोत्तमा) र कोषाध्यक्ष कृष्ण कुमारी चौधरी (तिलोत्तमा) रहेका छन् ।  त्यस्तै सदस्यहरुमा चित्ररेखा चौधरी (बुटवल), केशब चौधरी (कोटहीमाई), सोमनाथ थारु (देवदह), अयोध्या चौधरी (देवदह), धनराज चौधरी (ओमसतिया), श्याम बहादुर थारु (ओमसतिया) र हरिचन्द्र चौधरी (शुद्धोदन) रहेका छन् र एक जना सदस्य कार्यसमितिको बैठकबाट निर्णय गरी मनोनित गरिने बताइएको छ ।  त्यसैगरी सल्लाहकारहरुमा सतिशकुमार चौधरी, बिजय बहादुर सिंह थारु, रेखाप्रसाद चौधरी, नरसिंह चौधरी र सरिता चौधरी रहेका छन् ।  उक्त भेलालाई नेपाल थारु राष्ट्रिय मंचका केन्द्रीय अध्यक्ष रेखाप्रसाद चौधरी, थारु कल्याणकारिणी सभा रुपन्देहीका अध्यक्ष सतिशकुमार चौधरी लगायतले सम्बोधन गरेका थिए । कार्यक्रमको उद्घाटन समाजका केन्द्रीय उपाध्यक्ष रामकुमार चौधरीद्वारा बुद्ध बन्दना वाचन गरेर गरिएको थियो । कार्यक्रम समाजका केन्द्रीय अध्यक्ष गोकुल थारुको सभाध्यक्षता, केन्द्रीय उपाध्यक्ष राजेन्द्र चौधरीको स्वागत र केन्द्रीय सचिव राजेश चौधरीको सञ्चालनमा सम्पन्न भएको थियो ।

कञ्चनपुरमा अझै हुन सकेन मुक्तकमैयाको पुनःस्थापना

कञ्चनपुरमा अझै हुन सकेन मुक्तकमैयाको पुनःस्थापना

६८२ दिन अगाडि

|

१५ भदौ २०७९

                                                                                                                      फायल फोटोः केर्नी न्यूज कञ्चनपुर सरकारले मुक्त घोषणा गरेको दुई दशकभन्दा बढी हुँदा पनि यहाँका मुक्तकमैयाको न्यायोचित पुनःस्थापनाको कार्य हुन सकेको छैन । मुक्त कमैयालाई पुनःस्थापना गर्दा खोला बगर, वन क्षेत्र, सुकुम्बासीले भोग चलन गरेको जग्गा उपलब्ध गराउँदा नदी कटानसँगै बसोबास गर्न नसकिने बाटो किनार जङ्गलका छेउछाउको जग्गामा बस्न बाध्य पारिएको मुक्तकमैयाका अगुवाले बताए । शिक्षा, स्वास्थ्य, रोजगारमा मुक्त कमैयाको पहुँच नपुगाइएको मुक्तकमैया अगुवाको भनाइ छ ।  “मुक्तकमैयाको जीविकोपार्जन गर्न कुनै विकल्प छैन”, मुक्त कमैया समाज  जिल्ला समिति कञ्चनपुरका अध्यक्ष घाँसीराम रानाले भने, “वर्षायाममा र गर्मीयाम सिजनल मजदुरीबाहेक काम पाउने अवस्था छैन ।” रोजगारीका लागि छिमेकी देश भारत गएर न्यून ज्यालामा काम गर्नुपर्ने भएकाले जीवन निर्वाह गर्न समस्या भएको उनले उल्लेख गरे ।  जग्गा बन्धक राख्न नपाउने भएकामा सीप भएकाले कुनै बैंक तथा वित्तीय संस्थाबाट ऋण लिन नसकि व्यवसाय गर्न नपाएको समाजका सचिव रामप्रसाद रानाले बताए । मुक्त कमैया बालबालिका शिक्षाबाट वञ्चित भइरहेको उल्लेख गर्दै रानाले विद्यालय भर्ना गरे पनि आर्थिक अभावले बीचमै विद्यालय छुटाएर कमलरी लगाउन बाध्य भएको बताए । “आर्थिक अभावले धेरै बाललबालिका उच्च शिक्षासम्म पुग्न सक्दैनन्”, उनले भने, “उच्च शिक्षा अध्ययन गरिरहेका बालबालिकालाई छात्रवृत्ति उपलब्ध नहुँदा समस्या छ ।”  बस्तीमा विद्यालय भए पनि शिक्षक दरबन्दी नहुँदा सञ्चालनमा समस्या रहेको उनको भनाइ छ । मुक्तकमैया अगुवा लाहुरे डगौराले हालसम्म जग्गा पाएर पुनःस्थापन भएका मुक्त कमैयाको सङख्या चार हजार दुई सय ८९ रहेको जानकारी दिए । उनका अनुसार कञ्चनपुरमा जग्गा सट्टा पाएका एक सय २९, पुनःस्थापना हुन बाँकी एक सय २९ र पुनःस्थापना भएका जग्गा नदीले कटान गरी विस्थापनमा परेका मुक्तकमैयाको सङख्या तीन सय ६१ रहेको छ । हालसम्म ‘क’ वर्गको रातो परिचयपत्र पाएका तीन हजार नौ सय २४, ‘ख’ वर्गको निलो परिचयपत्र पाएका चार सय ९५, ‘ग’ वर्गको पहेलो परिचयपत्र पाएका ३३ र ‘घ’ वर्गको सेतो परिचयपत्र पाएका गरी जम्मा चार हजार पाँच सय पाँचले मुक्तकमैया परिचयपत्र पाएका छन् । रासस