प्राकृतिक बग्यामे मेर मेरके फुला फुलल् डेख्ठुँ 
ओहे फुलामे जोग्नि, मढ्वा,भौंरा भुलल् डेख्ठुँ। 
अपन बोलि भासा संस्कृति पहिरान छोर्के यहाँ, 
लावा युबा हुक्रन बिडेसि संस्कारमे डुलल् डेख्ठुँ। 
कट्रा सुहावान हमार अप्ने नाचकोर गिटबाँस बा,
फेर काजे इ छोर्के फिल्मि डुन्यँम् झुलल् डेख्ठुँ। 
डफ्ला मन्ड्रा, झाल मजिरा कस्टार हमार संगिट, 
इ सब छोर्के बजारमे डिस्को डिजे खुलल् डेख्ठुँ। 
कसिके लावा पुस्टाहे हमार अपन संस्कृति डेना हो, 
एहे सोंचमे हमार पहिचान हेरैना डर नुकल् डेख्ठुँ। 

                               कैलारी २ बसौटी, कैलाली