सरला चौधरी
थारू भाषामा उपन्यास लेखनको माध्यमबाट मातृभाषा साहित्यको श्रीवृद्धि गर्न महत्वपूर्ण पु¥याउनु भएकोमा सिर्जनशीलताको कदर गर्दै वरिष्ठ साहित्यकार डा. कृष्णराज सर्वहारी यस वर्षको गंकी धुस्वाँ–वसुरन्धरा पुरस्कारबाट सम्मानित भएका छन् ।
उता वरिष्ठ गायक एवम् सङ्गीतकार योगश वैद्य धुस्वाँ सायमी सिर्जना पुरस्कारबाट सम्मानित भएका छन् । गंकी धुस्वाँ–वसुन्धरा प्रतिष्ठानले माघ १ गते प्रज्ञा प्रतिष्ठानमा आयोजना गरेको कार्यक्रममा जनकवि दुर्गालाल श्रेष्ठले स्रष्टाद्वयलाई पुरस्कार अर्पण गरेका थिए । योगश वैद्य बिरामी भएकाले उनको पुरस्कार छोरा लोकेश वैद्यले ग्रहण गरेका थिए ।
गंकी धुस्वाँ–वसुन्धरा प्रतिष्ठानले नेपाली भाषा र नेपालको राष्ट्रिय भाषामा लेखिएका उपन्यासकारहरुलाई प्रोत्साहन गर्ने उद्देश्यले २०४९ सालदेखि स्रष्टाहरुलाई पुरस्कृत गर्दै आइरहेको छ ।
सो अवसरमा डा.सर्वहारीले थारु समुदायको नयाँ वर्ष माघकै दिन पुरस्कृत हुन पाउँदा यो सिंगो वर्ष साहित्य लेखनमा आफ्नो फलदायी वर्ष हुने बताए । उनले पुरस्कारबाट प्राप्त ५० हजार राशीले आफूले लेखेको थारु भाषाको पहिलो उपन्यास ‘फुटल करम’ रिप्रिन्ट गर्ने बताए ।
पुरस्कृत व्यक्तित्व डा.सर्वहारीको चिनारी विमल भौकाजीले दिएका थिए । उनका अनुसार डा सर्वहारीको जन्म विस २०२८ भदौ ६ मा लमही नपा–४, दाङ्ग देउखुरीमा भएको हो । नेपाल संस्कृत विश्वविद्यालयबाट वि.सं. २०७६ मा थारु संस्कृतिमा कृष्णचरित्र परम्पराको अध्ययन शीर्षकमा विद्यावारिधि गरेका सर्वहारीका नेपाली र थारु भाषामा झन्डै तीन दर्जन विभिन्न विधा (उपन्यास, लोककथा, लघुकथा, हास्यब्यङ्गय, मुक्तकका साथै अनुसन्धानमुलक) का पुस्तक प्रकाशित छन् ।
वि.सं २०५५ सालमा थारु भाषामा ‘फुटल करम’ नामक् पहिलो उपन्यास लेख्ने उनले दर्जनौ पुस्तक, पत्रिकाको समेत सम्पादन गरेका छन् । साथै, उनका रचना पाठ्यपुस्तकमा समेत समावेश गरिएका छन् ।
डा सर्वहारी थारु लेखक संघ नेपालको केन्द्रीय अध्यक्ष एवं नेपाल बाल साहित्य समाज, लोकवार्ता परिषदका आजीवन सदस्य छन् । उनले नेपाल सरकारबाट वि.सं. २०६७ को क्षेत्रीय प्रतिभा पुरस्कार, सोही वर्ष साझा प्रकाशनबाट साझा लोकसाहित्य पुरस्कार, लुम्विनी प्रदेश सरकारबाट गत वर्ष लुम्विनी रत्न पदक (२०७९) समेत प्राप्त गरेका छन् ।
पत्रकारितामा समेत दख्खल राख्ने सर्वहारीले थारु पत्रकार संघ नेपालबाट वि.सं.२०५७ सालमा राष्ट्रिय थारु पत्रकारिता पुरस्कार, नेपाल प्रेस युनियन, दाङबाट शिव गिरी स्मृति पत्रकारिता पुरस्कार (२०८०) लगायत प्राप्त गरेका छन् ।
प्रकाशित:
३९५ दिन अगाडि
|
१ माघ २०८०
९ घण्टा अगाडि
|
१ फागुन २०८१
१८ घण्टा अगाडि
|
१ फागुन २०८१
४ दिन अगाडि
|
२७ माघ २०८१
४ दिन अगाडि
|
२७ माघ २०८१
१३ दिन अगाडि
|
१८ माघ २०८१
१७ दिन अगाडि
|
१५ माघ २०८१
२१ दिन अगाडि
|
११ माघ २०८१
८५७ दिन अगाडि
|
२५ असोज २०७९
८९१ दिन अगाडि
|
२१ भदौ २०७९
९०१ दिन अगाडि
|
१२ भदौ २०७९
८५६ दिन अगाडि
|
२६ असोज २०७९
८०५ दिन अगाडि
|
१५ मंसिर २०७९
८६१ दिन अगाडि
|
२० असोज २०७९
७९४ दिन अगाडि
|
२७ मंसिर २०७९