बुधबार र विहीवार जिल्लाका कैलारी गाउँपालिका, भजनी नगरपालिका, गौरीगंगा नगरपालिका, घोडाघोडी नगरपालिकालगायत क्षेत्रका करिब १५ सय बढी घर डुबानमा परेका हुन् ।

कैलारी पालिकाको विपद् फोकल पर्सन भुवन बखरियाका अनुसार वडा नं. ५ र ७ स्थित पुरानो मनकापुर, जनकपुर र बसन्ता र भगहाको घर डुबानमा परेका छन् ।

त्यस्तै गौरीगंगा नगरपालिकाका वडा नं. ७, ९ स्थित महादेवा, भगवानपुर, शंकरपुर गाउँका  घर डुबानमा परेको जिल्ला प्रशासन कार्यालय कैलालीले जनाएको छ ।

जिल्लाको घोडाघोडी नगरपालिका–५ सेउकलिया, वडा नम्बर ९ रत्तीपुर क्षेत्रको पनि दर्जनौँ घर डुबानमा परेका छन् ।

कैलारी गाउँपालिकाका अध्यक्ष रामसमझ चौधरीको निष्कर्ष  हुलाकी सडकका कारण पानीको बहाव थुनिएपछि बस्ती नै डुबानमा परेको भन्ने छ । अध्यक्ष चौधरीले पानीको उचित निकासको व्यवस्थासहित सडक निर्माण गर्न सम्बद्ध पक्षको ध्यानाकर्षण गराइने समेत बताए ।

(नयाँ अपडेट गरिएको)