कविता, मुक्तक, गजल वाचन कार्यक्रम लखागिन थारु उत्थान मञ्च ओ राष्ट्रिय थारू कलाकार मञ्च शाखा सुर्खेतके संयुक्त आयोजनाम सम्पन्न कैगिल रह । कार्यक्रमम बर्का पहुना पुर्खा शेरबहादुर थारू माँगर गिट सुनैल कलसे गायक कलाकार राजु चौधरी गिट सुनैल । ओसहक बालकवि सलिन चौधरी, कवयित्री सुमित्रा चौधरी कविता वाचन कर्ल रलह कलसे युवा प्रतिभा रामकृष्ण  चौधरी गजल वाचन कर्ल रलह । 

वरिष्ठ थारु साहित्यकार मान बहादुर चौधरीके घरगोस्याइम सञ्चालन  हुइल कार्यक्रमके डोसर सेसनम मुक्तक, गजल लेखनबारे प्रशिक्षण हुइल रह । साहित्यम रुचि ढर्ना लावा सिखारु युवा विद्यार्थीन् प्रशिक्षण साहित्यकार मानबहादुर चौधरी पन्ना डेल रलह । कार्यक्रमके सहजिकरण सचिव  अशोक चौधरी कर्ल रलह ।