उ अवसरमे ठन्वाके घुरघुट खोलाइ कार्यक्रमके बर्का पहुना वीरेन्द्रनगर नगरपालिकाके वडा नं १० के अध्यक्ष एवम् कार्यवाहक नगरप्रमुख डिल बहादुर रखाल कहल,₋ थारु समुदायके धार्मिक सांस्कृतिक पक्षसे जोरगिल ठन्वा निर्माण कार्यले संस्कृति जगेर्नाम एकठो इटा ठप्गिल ।  थारु पूजापाठ रीतिरिवाजके पुनर्जागरण हुइना हुइलक ओहर्से थारु समाजम एकठो लौव सन्देश जैने बा ।

ओसहख वडा नं १२ के वडा अध्यक्ष चुडामणि चपाईँ वडाके सहयोगम बन्लक ठन्वा निर्माणम नगरपालिका ओ वडा कैक करिव सवा पाँच लाख खर्च हुइल जनैल । 

कार्यक्रमम लखागिन थारु उत्थान मञ्च, सुर्खेतके अध्यक्ष एवम् थारु साहित्यकार मान बहादुर चौधरी ‘पन्ना’ कल₋ भुइह्यार ठन्वा थारुनके मूल संस्कृति हो । ठन्वा थारुन जोर्ना पुल हो, ठन्वा धार्मिक एकताके प्रतीक किल नाहि कि जीवनपद्धतिसे जोरगिल मैगर संस्कृति हो । यकर संरक्षण संवर्धन हुइना बहुत जरुरी बा । उहाँ ठन्वा निर्माण किल महत्वपूर्ण निहो, ठन्वाम कैजिना पूजापाठ ढुरेरी, हरेरी पूजा, मार मिन्ही नियमित कर्ना चुनौती रलक ओर्से पूजापाठके विधिह नियमित करपर्ना सुझाउ डेल । 

कार्यक्रमम थारु कल्याणकारिणी सभाके केन्द्रीय पार्षद कृष्ण बहादुर चौधरी, जिल्ला  सभापति अध्यक्ष बेचुलाल चौधरी, पदमपुरके समाजसेवी लालबहादुर चौधरी लगायतके वक्ता हुक्र ठन्वा निर्माणले सुर्खेती थारु समुदायमा एकठा असल पाठ सिखैलक धारणा व्यक्त कर्ल ।

ठन्वा निर्माण समितिके अध्यक्ष एवम् पदमपुर गाउँके महटावा दुर्ग बहादुर थारु ₋ पदमपुर गाउँम विगत २०७८ सालठेसे नियमित रुपम मारमिन्ही, ढुरेरी, हरेरी पूजा करैटि अइलक बात ढर्ल । करिब ३ बरस बर्दियासे गुरुवा लान्खन पूजा कैगिल कलसे हाल सुर्खेतम जो गुरुवा व्यवस्था कैगिल जनैल । 

कार्यक्रमम मेरमेरिक थारु नाच फे डेखा गिल रह ।