‘जिम्डारनक लाग ढ्यार कैगिल, आब आपन लाग कर्ना हो’

‘जिम्डारनक लाग ढ्यार कैगिल, आब आपन लाग कर्ना हो’

३३४ दिन अगाडि

|

२२ चैत २०७९

अइ डैया रि , भाग्गैलि चमेली ?

अइ डैया रि , भाग्गैलि चमेली ?

३३४ दिन अगाडि

|

२१ चैत २०७९

सोम डेमनडौरा उल्ट पुर्हान बर्कि ओ बर्का भागल् बाट । हुँक्र कहाँ भागल् बाट किउ फे पटा नि पैल हुइट । हुकन्हँक घर रोजडिन लघुवित्तक कर्मचारी अइठिन् । मने रोज ड्वार टाँटि लागल् रठिन् ।  आँजर पाँजरक मनै फे डु टिन दिनसे ओइन ह नि डेख्लक बट्वैठ । किउ किउ ट नेपालगन्ज बिर्वा कराई गैलक् बट्वइठ । ओठ्यका मनै फे हुँकनसे परिसान रल्ह । हुँक्र फे हुकन्हँक खोजिम रठ ।  लघुवित्तक एकठो फिल्ड कर्मचारी महा परिसान रहठ् । असिन पसिन डेख परठ् । अन्ह्वार गुस्साले भरल् डेख परठिस् । एकदिन ट आपन छोट्कि मुबाइल् पटक डिहल् रह रिसले । फेरसे टुक्रि टुक्रा बिट्वारठ् ।  शुरुम श्यामलाल कना मनैया चिल्गारी लघुवित्तमसे समुह बनाइ आइल रह जोतपुर गाउँम । मनैन् जुटाइक लाग ऊ बरघर्यक सहयोग लिहल् रह । बिना चाय पानी खवइल डु घन्टासम् मनैन् बैठाइल् ।  अन्तिमसम् जम्मा बार ठो मनै बचल रल्ह । का का बट्वाइल, मनै बुझ्बे नि कर्ल । बस्, रिनके लग पैसा केल बुझ्ल । किउ किउ ट पैसा मिलठ् कि बाह्रठ् कैक बुझ्ल । जे जे इह बुझल् हुँक्र सुन्टि रल्ह । ऊ कर्मचारीहँ डु मैन्हा लागल् रहिस् एकठो समुह बनैना । टब बल्ल वाकर नोकरी फे पक्का हुइल् रहिस् ।  मनै ढिर ढिर पैसा जम्मा कर लग्ल । बचतक महत्व फे बुझ लग्ल । हरेक मनै लघुवित्तक समुहम जैना हौस्याई लग्ल । ना कटि कटि जोतपुरम केल टिनठो समुह बन्गैल् । जन्नी मनै एक्क मेरिक पहिरन लगाक समुहम बचत कर जाइँठ् । उहाँ जाक हुँक्र पैसक महत्व बुझ लग्ल । आपन लर्कापर्कन्हँक लाग बचाइ परठ् कैक बुझ लग्ल ।  आब मनै ढिर ढिर रिन लेक छोट छोट डुकान चलैना सिख लग्ल । किउ किउ सुवर पल्ना, छेग्रि पल्ना, टिना खेति कर्ना सिख लग्ल । किउ किउ ट उह रिनले उप्पर फे उठ्गैल ।  किउ किउ भर बचत केल करँठ् । किउ किउ कहँठ् जट्रा रिन लेबो ओट्र फाइदा हुइठ् । हमार पैसा बाह्रठ् कैक । किउ किउ जुन रिन कटि कि डर लागिन् । असिहँक रिन लेना, बचत कर्ना, रिन लेक छोट छोट ब्यापार व्यवसाय कर्ना फे मनै सुढ्यैटि गैल । चिल्गारी लघुवित्त उप्पर उच्यैटि गैल् । ओम्नक कर्मचारीन फे उच्यैटि गैल ।  कुछ समय पाछ जोतपुरम हेलिकप्टर लघुवित्त आइल् । और रेल लघुवित्त आइल् । डोस्र रकेट लघुवित्त आइल् । हेलिकप्टर लघुवित्त अइटि कि हम्र घर बनैना रिन सहुलियतम डेबि कहल् । रेल लघुवित्त हम्र मोटर साइकिल किन्ना रिन सहुलियतम डेबि कहल् । रकेट लघुवित्त हम्र जग्गा किन्ना रिन सहुलियतम डेबि कहल् । यि सुन्क मनै ट भकाभक सक्कु लघुत्तिक सदस्य बन लग्ल ।  एकठो समुहक सदस्य चमेली अर्थात् उल्ट पुर्हान बर्कि कलि– “मै ट चिल्गारी लघुत्तिम सदस्य बाटु जे सर । महिका हेलिकप्टरम फे सदस्य बन मिलि ?” एकठो समुहक सदस्य चमेली अर्थात् उल्ट पुर्हान बर्कि कलि– “मै ट चिल्गारी लघुत्तिम सदस्य बाटु जे सर । महिका हेलिकप्टरम फे सदस्य बन मिलि ?” मिलि नि का कर नि मिलि । चहा जैठो लघुवित्त अइलसे फे ओम्न सदस्य बन मिलि । टर हमार लघुवित्तम सब्से मजा ब्याज बा । सब्से लिरौसिसे पैसा मिलठ् । रिनक ब्याज फे कम बा अउर लघुवित्तसे ।” चमेली अउर लघुवित्तम फे सदस्य बन्ना हौस्या गैलि । असिक करठ् करठ् चारठो लघुवित्तम सदस्य बन्गैलि । एकठो लघुवित्त ट हुकहिन केन्द्र प्रमुख बना डेलिन् । उ डान डान पैसा फे पाइ लग्लि ।  मनै आब, रिन लेना सिपार हो गैल रल्ह । लघुवित्तक कर्मचारी ओ संस्था फे बरा फुन्याइल बिल्गाइँठ् । रिनसे सम्बन्धित मेर मेह्रिक कार्यक्रम लान लागल् लघुवित्त । आब ट लघुवित्तक जुझिजुझा हुइ लग्लिन् । के ज्यादा रिन लगानि कर स्याकठ् ? क्याकर ढ्यार समुह रहठ् ? क्याकर पुँजी ज्यादा रहठ् ? अस्ट अस्ट जुझिक जुझा हुइ लग्लिन् ।  एकदिन रम्फली रेल लघुवित्तक कर्मचारीसे चुप्पसे सल्ला लेलि, “मेडम म्वार छावक भ्वाज बाटिस् । हमार पैसा नि पुगठो । रिन मिलि कि नाइ पुछटहुँ ?” कर्मचारी एकघरि हेर्लि । फेर जवाफ डेलि,अउर जहन ना सुनैहो इ बाट । मिल्ना ट नि मिलठ् । रिन ट खास कैक व्यापार, व्यवसाय ओ उत्पादन बह्राइक लाग लेना हो । टर टुँ टिर सेक्ना मनै हुइलक ओर्से डिह सेक्जाइ । लोकल मुर्गि पालन कैक लेउ ना । टुहाँर घर लोकल मुर्गि फे पलि बाट । या ट सुवर पालन कैक लेउ ।”  असिक रम्फली रिन पा गैलि । आपन छावक भ्वाज ढुमढराका कर्लि । जठ्याक सिकार खाउ । मनै कहँठ, रामोराम यि मेरिक सिकार कहुँ नि खा गैल् रह । बर्का डर्वा भर भर यठहुँक यठहुँक चलाइठ् जे काहुँ कटि डुनु हाँठले डेखाइठ् ।  मनै आब जरम डिन मनाइक लाग, बजार ख्याल जाइक लाग, टिउह्वारम लौव लौव लुग्गा, गर गहना किनक लाग रिन लिह लग्ल । लघुवित्त फे भक्काभक रिन डिह लागल् । लघुवित्तम कर्मचारी संख्या फे बाह्र लागल् । लघुवित्त स्वाँच कि जनता धनी हो गैल । सब जनता सचेत हो गैल् बाट । खास कैक जन्याँवन ट झन् थारुन्से समझदार हो गैल् बाट ।  एकदिन केन्द्राध्यक्षक बैठकम सब्से ढ्यार रिन लिहुइया, सफल उद्यमी कैक १० जहन सम्मान कर्लिन् । असिक करबेर महिलनम झन् हौसला बह्र लग्लिन् ।  चमेली कुछ चलाख रहि अउर जहनसे । उ केन्द्र नं. १६ क प्रमुख फे रल्हि । उ अचानक हेराइल् रहि । जब उ हेरैलि ट समुहक अउर सदस्यन् किस्टा ओ ब्याज बुझैना कर्रा पर लग्लिन् ।  लघुवित्तक कर्मचारी महिलन गर्याई लग्ल, “रिन खाइ बेर मजा लागठ् जे । आब टिर्ना गाँर फाटटा । आपन घरक मुर्गि चिङ्ना, सुवर माकर बेचो ओ रिन टिरो । ज्या कैक हुइटा रिन टिरो । अउर मै कुछ नि जन्ठु ।” रिन उठाइ नि सेक्लसे फिल्डक कर्मचारीन फे मन्का गारि पाइँठ् आपन हाकिमनसे । रामेश्वर हाकिम गर्याइल् रह, “आपन गठ्रि मोट्रि लेल फिल्डम रहो । कि ट आपन डगर लागो । रिन उठाइ नि सेक्ठो ट टुन्हँक काम का बा ?” फिल्ड कर्मचारी रामलाल राटभर निडाइ नि स्याकल रह उ राट । जागिर छोर्क जाउँ, बुह्राइल् डाइ बाबक् बिर्वा करैना पैसा कहाँसे जुटैना हो । रिन उठाइ जैबो समुहक सदस्यन बिन पैसक अइठ । किउ सदस्यन भागल् बाट, सम्पर्कम नि हुइट । भारि कर्रा रहिस् रामलालहँ ।  समुहक महिलन बैठक बैठ्ना डिन ना आए कनाहस् लागिन् । बरा हालि आइहस् लागिन् । फेर बैठक बैठ्ना डिन आ पुगठ् ।  चमेली ऊ डिन फे नि रहठ् । कैयो जे बिना पैसक आइल् रठ । लघुवित्तक कर्मचारी पालिका पाल्या बलाइठ्, “अस्टुर्नी, टुहाँर यि फ्यारा किस्ता टिर्ना बा । दश हजार किस्ता ओ पन्द्र सय ब्याज बुझाउ ।” अस्टुर्नी–“म्वार ठे पैसा नि हो मेडम ।” कर्मचारी झोंक्का गैल, “टिर नि सेक्लसे ट रिन का कर लेलो ? लाज सरम मानो । चहा जहाँसे पैसा लानो, टर किस्ता ओ ब्याज ट टिरहिक परि ।” “म्वार आपन लाग लिहल् रिन नि हो मेडम । चमेली म्वार नाउँसे लेलि । उ कैयो डिनसे घर नि हुइटि । म्वार ठे पैसा नि हो । कसिक बुझा डेना हो ?”                                                                                                                                     खिस्साकार सोम डेमनडौरा यि सुन्क समुहक सक्कु सदस्यक गाइमाइ गाइमाइ कर लग्ल । उ कहटा महिका फे पचास हजार रिन लिह्वैल बा । अउर कहटा महिका साठी हजार लिह्वैल बा । पटा लागठ् कि समुहक पच्चिस जान सदस्यन मका उन्नाइस् जहनसे असिहँक पैसा खेलैल बा । असिख पटा चलल् कि चमेली ट लघुवित्तक कर्मचारीहँ फे पटा नि लग्ना मेरिक सक्कु सदस्यन्क नाउँसे रिन खेलैल बा । उ आपन संघर्यनसे रिन माँगबेर पुल्यैल रह । कबु बजारसे डोहरा लान्डेना, कबु केक्रो लाग एक ज्वार चप्पल लानडेना, कबु टिकुनियासे सारी किन्क लान्डेना कर ।  ओस्हँक पालिक पाल्या आपन घर सिकार भाट खाए बलाए । असिक करठ् करठ् सबजहन मख्ख पर्ल रह । हुकन मख्ख पार्क हुकन्हँक नाउँम हुकनसे रिन लिह्वैना ओ अप्न खेलाए । जब चमेलीक ठे पैसा कम पर्लिस्, सक्कु लघुवित्तम राउन्डिङ्ग बिगर्लिस्, टब पैसा टिर नि स्याक लागल् ।  जेकर जेकर नाउँसे चमेली रिन निकर्ले रहे, टे पहिल फेरा पटा पाए । ओकर मँुहेसे निक्रे, ‘अइ रि डैया, भाग्गैलि चमेली ?’ सब्का सब्क डिमाग खराब ।  यहोंर देशक अर्थतन्त्र धरासायी बा । उहोंर सक्कु जनता रिनम बाट । लघुवित्तक सदस्यन कहाँ पाक रिन टिरुँ कना बाटिन् । देशम बैंकक रिन मिनाहा कर परल् कना मेरिक आन्दोलन मचटा । किउ बैंकहँ गर्याइठ् । किउ लघुवित्तहँ गर्याइठ् । गाउँक मनै चमेलीहँ गर्यैठ ।  २० चैत २०७९ । जोतपुर, बर्दिया   

छिनार जन्नि

छिनार जन्नि

३३६ दिन अगाडि

|

१९ चैत २०७९

सोम डेमनडौरा पन्ज्रक घरम ढोल डमैया बाजटह । भख्खर एक घचिक हुइल् रहिन् डुल्हि पठैलक । उह मार सुनसान हस् फे हुइटह । उह ब्याला अचानक गेलगेल्ह्यँट् घ्याँचा बोल्लक आवाज सुन्ठि चिल्रहान बर्कि । हड्बडैटि डौर्ठि बनघुस्रान घर । झन्न अउर जे फे सुन्ल रल्ह ट बचा डर्ल ।  छिहट्टर बर्सक बुह्र्वा लस्रिम झुल गैल रह । लबरुक यि टेस्रा फ्यारा हुइटिस् मुव गैलक् । बनघुस्रान घरम बरा लम्मा समयसे झग्रा हुइटि आइल् बाटिन् । टर्ना भ्वाज करल् एक बरस पाछ असिन समस्या बझ्टि बाटिन् । हुँकन्हँक टिनठो छावा छावा बाटिन् । लबरु टिन नट्यनक बुबा हो । उह जमानमसे लबरु पावरवाला ठुल्का चश्मा लगाइठ् । चश्मा कानम निअँट्कना हुइलक ओर्से डोर्या कस्ल रहठ् । वाकर जन्नि बिट्लक फे दश बरससे ढ्यार हो चुक्लिस् ।  लबरु भख्खर चार बरसक रह, टबसे आपन बाबक सँग आपन किसन्वक गैया चह्राई जाए । कुछ भारि हुइल् ट आपन किस्नान् घर भेंरउह्वा लगा डेलिस् बाबा । हुँक्र डुनु जे गैया भेंरी सँग चह्राई लग्ल ।  ऊ आपन डाइ बाबक् मैया ढ्यार बरस् पाइ नि स्याकल् । भख्खर ट १४ बरस्क हुइल् रह, वाकर डाइ बाबा पालिक पाल्या संसार छोर्डेलिस् । गैया भेरिनक सँगसाथले सयान हुइल् लबरु ।  लबरुक भ्वाज उह किसन्वा कर्डेलिस् । लववँर्या फे टुवर रह । लान्क परछ् डेलिस् । बहुट बरस् पाछ हिँकन्हँक एकठो छावा हुइलन् । मलिक्वक गारी भुवा, रोग भुँख, बट्ठा सारा भुलागैल छावा पैलकम ।  लबरु एकचो एक बगाल गैया लेल आइटह । गैया कर्यैना जुन हो गैल रह । डख्खिन ओंर्से भुर्वा महलिक मलिक्वा आइटक ट्याक्टर लेल । कैयौचो टिं टिट् पारल् । लबरु हालहाल गैया भगैना कोसिस करल् । मने गैया पान्जर नि लागठ् ।  ओहोर भुर्वा मलिक्वक् झ्वाँक उठ् गैलिस् । लबरुक कल्लर पक्रठ् । ट्याक्टरम बैठाक एक हाँठ्ले घुस्सा लगैटि लैजाइठ् । बिचारा लबरु मुन्टा कन्ढम अँट्काक हाँठ जोर्ल पलि रहठ् । पावरडार चश्मा डगर मुलुर मुलुर हेर्टि रहठ् । मलिक्वा आपन कोठर्वम लैजाक चप्काले मन्का पिटठ् । पिट्वा पाइल बिचारा बल्जब्रि घर पुगठ् । एक महिनासम् मजासे वाकर आंग नि टंग्रल रहिस् ।  लबरुक छावा बागलुङ्गसे कमाक भख्खर आइल् रठिस् । कमाक अइलक राट लबरु गहिँक्क पिटावा पाइल् रह आपन छावासे । हुइना ट इहिँसे पैल्ह फे डु चो पिटावा पा स्याकल् । टर यि फ्यारा बहुट नि मजासे लछार पटार कराक पिटावा पाइल् रह । नट्या आक बचैलिस् । वाकर पर्गा लगुइया एकठो उह नट्या बाटिस्, जे आपन बुबक जिना आस बह्राइस् । लौंरा आपन बाबाहँ कह फे– अट्रा बुह्राइल बुबा ह का कर मठ्र्या कैक ।  “छावक ठे कहठ् कि ससुर्वा डब्वाट अइठ हुँ । मै अट्रा बुह्राइल मनै, मुना डिन आ स्याकल् मनै, आपनअ पटोइह्य असिक कसिक कर स्याकम भैन ? म्वार छावा महि बिन पुछ्ल आपन जन्निक बाटले महि मार लागठ् । महि काट डेम कल रह । उह मार, कटावा पाइल् से ट अपन्हे मु जैम कना लागल् ।” ऊ डिन बहुट नि मजासे गर्याक आपन बाबा पिटल रह घुमल्या ।  “कुक्कुर हुइट्या टैं । बाबा रट्या ट असिक कर्ट्या ? म्वार जन्नीहँ कहाँ छिन्ड्राइट् डेख्ल्या ? आपन पटोइह्य टैं असिन सोंच्ठ्या ? आभिन् ट टैं अपन्हे गैल् रह्या हुँ म्वार जन्नी हँ डाब । लाज सरम नि हो ट्वार, आपन पटोइह्यसे असिक कर खोज्ठ्या ?” लबरु बुह्वक बोलि फे नि अइठिस् । आपन छावा असिक आरोप लगाक पिट्लकम । बल्जब्रि मुह खोल्क कह ख्वाजठ् ।  “मै कुछु नि कर्ल हुँ छावा ।” “आभिन कुछु नि कर्ल हुँ कठ्या ?” घुमल्या एक लाट गमसे डिहठ् ।  जन्नी हालहाल घुमल्या ह पक्र अइठिस् ।  “ना मारो अट्रा बुह्राइल् बाबाहँ । असिक ट नि कर्ना हो ।” “डेख्ल्या ! टैं असिक कर्लसे फे ट्वार पटोइह्या टुहि कट्रा मैया करठ् । आबसे सुढर जाइस् । जट्रा जिना बा, जसिक जिना बा जि ल्या । उ घरक भ्वाज ओराई ड्या । ट्वार अन्टिम दिन रहि । ट्वार मुँरि काट्क ट्वार ग्वारम ढर्डिहम् । ज्या ज्या घिंच्ना इच्छा बा घिंच डार ।” लबरु बिचारा भगवान् बाट कि नि हुइट कनाहस् लग्लिस् । कौन जुनीक पाप काट परटा कनाहस् लग्लिस् । छुटिहँसे भेंरी गैया चर्हैलक, छुटिहँम डाइ बाबा बिट्लक । आब आक आपनअ छावासे पिट्वा पैना, पटोइह्यसे हेलहा करावा पैना, यि का करम् हो भगन्वा कैक स्वाँच ।  हुइना फे हो, वाकर पटोइह्या कब्बु फे मजासे खैना पिना नि डेलिस् । छावा पटोइह्या सिकार लन्लसे हड्डिहा, ग्वारा मुन्टा वाकर लाग छोर्डिहिस् । कबु काल ट उहिँका भाट फे नि पुगिस् । कैयो राट ट भुँख्ल घरिक सुइ कटाइल् ।  लबरु स्वाँचल्, आपनअ छावासे कटावा पाइल्से ट मै गर्झुल् मुजैम् । म्वार छावा का जे पाप काम करि । बस् इह कारनले लबरु लस्रिम झुल गैल् रह ।  ड्वासर डिन केस बरघर्यन ठे पुगल् । बर्का बरघर्या बुह्र्वा सुनसान ठाउँम लैजाक अकल्हे बैठाक गँरझुल् मुव गैलक कारन पुछ्ल ।  घुमल्या एक घरिक भल्भल्ह्यँट आँस गिराइल् । फेर कट्कटाइल् गम्छाले आँस प्वाँछल् ।                                                                                                                                     खिस्साकार सोम डेमनडौरा “का कर्बो भैन । म्वार करम अस्ट फुटल् रह काहुँ । आपनअ छावा पटोइह्यनसे पससे ज्याडा घिनावा पैनु । पिटावा पैनु ।” बरा लम्मा साँस लेटि लबरु बट्वाइ लागल्, “हेरो भैन, म्वार पटोइह्यक ठे अउर मनै अइठ । म्वार छावा बाहर कमाइ जैटि कि हिँक्र अइठ । मै आपन आँखिक सामने डुचो भेटा गैल बाटुँ । पटोइह्या महि ढम्क्याइल् फे आपन छावक् ठे ना बटाइस् कैक । कहुँ बाट खुलि ट जिन्डा नि रब्या कैक कहल् ।  आपनअ पटोइह्या म्वार घरम असिक करबेर महि मजा लागि भैन ? टबहँसे म्वार पटोइह्या महिका ड्याख नि स्याकठ् । म्वार छावक् ठे उल्टा उल्टा बटा डिहठ् ।” “मतलब ?” “छावक ठे कहठ् कि ससुर्वा डब्वाट अइठ हुँ । मै अट्रा बुह्राइल मनै, मुना डिन आ स्याकल् मनै, आपनअ पटोइह्य असिक कसिक कर स्याकम भैन ? म्वार छावा महि बिन पुछ्ल आपन जन्निक बाटले महि मार लागठ् । महि काट डेम कल रह । उह मार, कटावा पाइल् से ट अपन्हे मु जैम कना लागल् ।” १९ चैत २०७९ । जोतपुर, बर्दिया  

पहिला अन्तराष्ट्रिय थारु सम्मेलन सुुरु

पहिला अन्तराष्ट्रिय थारु सम्मेलन सुुरु

३४९ दिन अगाडि

|

०६ चैत २०७९

टिकाराम चौधरी बर्दियाके ठाकुरबाबा नगरपालिकामे पहिल अन्तर्राष्ट्रिय थारु सम्मेलन शनिच्चरसे सुरु हुइल बा । थारु अन्तर्राष्ट्रिय महासभाके आयोजनामे नेपाल तथा भारतके थारु अगुवा, नेता तथा बुद्धिजीविहुकनके सहभागितामे ठाकुरबाबाके सिंहबाहीनी खैल मैदानमे प्रथम अन्तर्राष्ट्रिय थारु सम्मेलन हुइल हो । उदघाटन कार्यक्रमके प्रमुख अतिथि पुर्व शिक्षा राज्यमन्त्री तथा थारु नेता तेजुलाल चौधरीसे नेपाल भारतके थारुहुकनके पहिल नेपाल जमघट हुइल बटैलै । थारु समुदाय आघे बह्रेक लाग एकजुट हुई पर्ना बटैलै । कार्यक्रममे बोलुइया थारु समुदाय अभिनफे राज्यके टमान निकायमे पहुच पुगे नइसेकल अवस्था रहल ओरसे आर्थिक, सामाजिक तथा राजनीतिक क्षेत्रमे आघे बह्राइक लाग सक्कु थारु समुदाय एकजुट हुइना पर्ना आवश्यकता रहल बटैलै । अब्बेफे थारु समुदायसे राज्यसे अपेक्षा करल अनुसार न्यायोचित स्थान ओ अवसरसे वञ्चित हुइटी रहल अवस्था ओरसे थारु समुदाय एकमत हुके थारु संगठनहे बल्गर बनैनाके कौनो विकल्प नइरहल बटैलै । नेपालमे थारु समुदायके लाखौके संख्यामे बसोबास रहलेसेफे राजनीतिक तथा प्रशासनिक क्षेत्र न्युन सहभागिता रहल ओरसे थारु समुदायके राज्यसत्ता संचालनमे पुगे नइसेकल अवस्था औल्यइलै । नेपालमे अभिनफे तराई क्षेत्रमे थारु समुदायके बाहुल्यता रहलेसेफे स्थानीय तहमेफे बल्गर उपस्थिति हुई नइसेकल हो । यी मध्य झन् थारु महिला झन पाछे रहल कार्यक्रममे बोल्न महिलाके कहाई रहे । नेपालमे थारु महिला नगरप्रमुखमे दुई जाने केल रहल बा । महिलाहुकनहे राजनीतिक दलसे चुनावके बेलामे टिकटसम नइडेहल ओरसे यैसिन अवस्था सिर्जना हुइल सुरङगा नगरपालिकाके नगरप्रमुख गीता चौधरी बटैली । महिलाहुकनहे टमान क्षेत्रमे पाछे पारल बटैली । कार्यक्रममे बोलुइया बक्ता सक्कु जे थारु संगठनहे बल्गर बनैनाके विकल्प नइरहल बटैलै । कार्यक्रममे बारबर्दिया नगरपालिकाके नगरप्रमुख छबिलाल थारु कार्यक्रमके सफलताके शुभकामना डेटी थारुहुकनके सबसे पुरान संस्था थारु कल्याणकारिणी सभाहे समन्वय करल हुइलेसे आउर ब्यापक सहभागिता जुटाई सेक्ना सुझाव रख्लै । ठाकुरबाबा नगरपालिकाके नगरप्रमुख तिलकराम लम्साल अन्तराष्ट्रिय स्तरके प्रथम कार्यक्रम अपन पालिकामे धारके ठाकुरबाबा नगरपालिकाहे चिन्हैना सुनौलो अवसर प्राप्त करल बटैलै । कार्यक्रमहे अपने ओ पालिकाके ओरसे हरेक दृष्टिकोणसे सहयोग कैना तयार रहल बटैलै । सम्मेलनमे नेपाल तथा भारतमे बासोबास कैना थारु बुद्धिजीवि तथा थारु अगुवाहुकनके सहभागिता रहल बा । थारु समुदाय मिलके हम्रे ढेर पाई सेक्बी कना नाराके साथ ठाकुरबाबा नगरपालिका १ सिंहबाहिनी खेलमैलानमे सुरु हुइल सम्मेलनमे पहिल दिन उदघाटनके कार्यक्रम हुइल बा । दुसरा दिन थारु समुदायमे रहल टमान मेरिक सवालमे वृहत छलफल कैना कार्यक्रम रहल आयोजक जनैले बा ।   कार्यक्रमके उदघाटनमे कार्यक्रमके शुभकामना मन्तब्यसंगे थारु परम्परागत टमान मेरिक साँस्कृतिक प्रस्तुती तथा थारु राष्ट्रिय कलाकारहुक्रे अपन कलाप्रस्तुत करले बटै । थारु अन्र्तराष्ट्रिय महासभाके अध्यक्ष दीपप्रसाद नारायण थारुके सभापतित्वमे हुइल कार्यक्रममे भारत तथा नेपालके अगुवा नेता तथा बुद्धिजीविहुकनके सहभागिता रहल बा । अटवारके रोज थारु समुदायके सवालमे विविध छलफल करटी ठाकुरबाबा प्रथम अन्तराष्ट्रिय थारु सम्मेलन घोषणा पत्र जारी करटी सेक्ना आयोजक जनैले बा ।    

था­रू साहित्य सम्मेलनः रचनावाचन ह सम्मानित रुपम कर पर्ना महसुस

था­रू साहित्य सम्मेलनः रचनावाचन ह सम्मानित रुपम कर पर्ना महसुस

३८७ दिन अगाडि

|

२७ माघ २०७९

प्रणव आकाश आयोजकह जयगुर्बाबा ! कार्यक्रम समिक्षाक ब्यालम मै म्वार आपन्अ समय व्यस्तताक कारण बैठ नि सेक्नु ! समीक्षा बैठक म बैठ नि पाक महि चुकचुक लागटा। मनम लागल बाट, ओ सिखल बाट सम्मेलन टट्ल रहल ब्यालाम ढैलसे अर्थपूर्ण हुइने रह, टभुनेफे एक डुइ बाट कह चाहाटु ! माघ महोत्सव व ७वा थारु साहित्यिक सम्मेलन-२०७९ भव्य व सभ्य बनाक निम्जैलकम आयोजक, कार्यक्रमके वक्ता, सहजकर्ता, कला प्रस्तुतकर्ता व उपस्थित हुइलक सक्कु सहभागीहुँकन्हक बरा भुमिका बाटिन् । सम्मेलनम लर्कापर्का से बुह्राखाह्रा सक्कु उमेर समुहके सहभागी उपस्थित कराइ सेक्लकम आयोजकहुकन सम्मान बा, ट फे, सहभागीनक संख्या ह कसिन कार्यक्रमक डिजाइन /फर्म्याटमार्फत आकुर बह्राइ सेक्जाइ कनाम निरन्तर छलफल व निर्स्कर्ष साँटासाँट कर पर्ना डेख्पर्ठा । ओसहेक साहित्यिक सम्मेलनक तयारी बैठक कम्तिम ३ महिनाठेसे पाक्षिक रुपम कर्टी गैलसे आवश्यक डकुमेन्ट, प्रचारप्रसार सामग्री निर्माण, विषय ओ प्यानलिस्ट छनौट , आर्थिक सहयोग, जसिन ट्याम लग्ना काम सहजिल हुइने रह।                                                                  "साहित्यम थारु युवा " सेसनम प्यानलिस्ट लेखक प्रणव आकाश (टोप घल्ले) अखिस के साहित्यिक सम्मेलनम यदि नाच नै होडेहटह ट, दर्शकके खडेरी लग्ना अवस्था घनि घनी देखा पर्टह । यी हिसाबले साहित्यिक सम्मेलनम महा सुहाउनसे, दर्शकन्हक अवस्था टौल टौलके माघ महोत्सव के रुपम नाचगान, व प्रतिभा प्रस्तुत हुइलक महा ठुन्यार लागल । तर अइना डिनम साहित्यिक सम्मेलनह बिसुद्ध साहित्य सम्मेलन नाउँक ब्राण्डसे केल आघ बह्रैलसे मजा हुइ कि ? माघ महोत्सव या अन्य और कौनो महोत्सव तथा सेलिब्रेसनके आपन छुट्ट महत्व हुइलक ओर्से ओ साहित्य सम्मेलनके फे आपन छुट्ट महत्व ओ प्रभाव हुइलक कारण अखिसके नाउँ ढराइ अभ्यासहे ठन्छे उदाहरणके रुपम लेक समिक्षा कर्ना कि ? साहित्यिक सम्मेलनम बहस बाहेक मुख्य आकर्षणके चिज का रना, वाकर बारेम फे आब रचनात्मक बहस कर पर्ना बा ! सम्मेलनके प्रचारप्रसारक लाग पोस्टर डिसाइजन, विग्यापन निर्माण कर्ना, भिडियो बनैना कामक लाग छुट्ट ओ चलायमान प्रचारप्रसार टोलि बनाइ पर्ना डेख्पर्ठा । सम्मेलनले उठैलक मुद्दाम आधारीत छोट सलिमा, डकुमेन्टरीह सम्मानस्वरुप प्रदर्शन कर्ना व्यवस्थापन कर परल। नाटक फे प्रस्तुत कर्ना हो कलसे, नाटक समुहसे पैल्हसे सहकार्य कर परल, सम्मेलनके मुहठे कहबेर मन रटि रटि फे प्रस्तुत कर नैसेक्जाइट ! कार्यक्रमम पेन्टिङ प्रदर्शनी ह फे महत्वपुर्ण स्थान डेहे परि । कौनो सेसन प्रदर्शनीके बिचमे फेन चलाई सेक्जाइ ! सम्मेलनम एकठो 3 जहन जति स्रास्ट्राहुँकनके रचना सुन्ना किसिमके सेसन बनाइ परल व रचना वाचनकलाग लाग फे अलि व्यवस्थित समय निर्ढारण कर परल । साहित्यिक सम्मेलनम सहभागीहुँकन अंस्या लग्टी समय खिर्बासे कर्ना साधन केल नि होक रचनावाचन ह सम्मानित रुपम कर पर्ना महसुस हुइल । सम्मेलनम थारु भाषा, संस्कृति ओ थारु केन्द्रित मुद्दाम बहस हुइना सबसे महत्वपुर्ण बाट हो ! यी बिषयम माघ महोत्सव व ७वा साहित्यिक सम्मेलन २०७९ सफल हुइल बा ! सम्मेलनक भव्य ओ सभ्य सफल्ताके बारेमा जगजाहेर बा ! सम्मेलनम "साहित्यम थारु युवा " सेसनम वक्ताक रुपमा डु चार बाट ढर पाक खुसी बाटु, उहिसे ढेर गोचाली थारु समाजके दिनराटके खटाइ ओ व्यवस्थापनके लाग खुसी बाटु !  

सोरठ

सोरठ

४०४ दिन अगाडि

|

११ माघ २०७९

लक्ष्मी राना एक देशमे कक्ष नामको एक राजा रहए । बो राजाके खास नाउँ जयचन्द रहए पर पानी भितर बैठनके कारनसे सब बोसे कक्ष राजा कहत रहएँ । कक्ष राजाके सात रानी रहएँ । सात रानी मैँसे कोइके फिर बालका ना भओ रहए । राजाके ठिन धनदौलतके कोइ कमि ना रहए पर हजार गजके महलमे किल्कारि मारन बालो कोइ बालका भि ना रहए । बालका बिना राजमहल सुनो रहए । राजमहल अधुरो रहए । सबकुछ होतएहोत फिर राजा बालका बिना दुखी रहए । एक दिन राजा अपन गुरुके बुलाएके बिचर बाइ । राजा कहि कि, ‘मिर तमान साल हुइगए हएँ बिहाके पर बालका ना भए हएँ । कि कोइ ग्रहदसा लागो हए । जैसि हए उइसि बताबओ ।’ तव गुरु कहि, ‘तिर किस्मतमे बालका ता हए पर तिर हाथसे पाप होबैगो ।’ राजा कहि, ‘कैसो पाप खुलके बताबओ ?’ तवफिर गुरु कहत हए कि, ‘तिर घरमे एक कन्याको जलम होबैगो पर तए बोके पिछु ब्याहइगो ।’ ऐसि कहिके गुरु बिदाबारि लैके अपनो घर चलो गओ । राजा बहुत सोचमे पडिगओ । रातदिन गुरुके बात समखए । राजा सोचए कि, ‘अपनि लौँडियासे ब्याह करहओँ तव मोसे बडो पापी और अधर्मी जा दुनियामे कौन होबैगो कुछ दिन बिते, कुछ महिना और कुछ साल बिते । फिर एक दिन राजाके सबसे छोटी रानी गरबबति होत हए । औ नाँै महिना पिछु बेटीको जलम होत हए ।  जिस दिन सोरठ जलमि रे पवन धरे अब लंक काठ मजुसा खोलके दइ हए समुन्दर बिच डार ।। सोरठ जल्मन बेरा दिउतिन बुढिया रानीके आँखीमे कारो चिथरक पट्टि बाँध देत हए । रानी अपन बच्चक देखनए ना पात हए । दिउतिन बुढिया कोइके फिर सोरठके देखन ना दै । राजा सोनोसे मण्ह्रो दुरसे झल्मलान बारो काठमजुसा बन्बात हए । दिउतिन बुढिया बहे काठमजुसामे सोरठके धरके समुन्दरमे पुहाए देत हए । समुन्दरके धारय धार काठमजुसा पुहत जात हए । जव जराङ्गमे काठमजुसा अटक जात हए तव सोरठ रोन लागत हए । पुहन लागत हए तव चुप हुइजात हए । ऐसिअए काठमजुसा पुहत पुहत सिरेसे दख्खिन ओर दुरको गाउँमे पुग्जात हए ।  तर कुमडा माटि खोदए रे उपर बलिया बंश उठकेन कुमडा देखियो रे एक अचम्मो आए ।। समुन्दरके किनारे ढाहोमे बलकुमाढ और कुम्डनिया घल्लाके ताहिँ माटि खोदत होत हएँ । समुन्दरमे तमान मछर्हा मछरि मारत होत हएँ । समुन्दरके धारयधार झल्मल झल्मल करत कुछ पुहत आत होत हए । कुमाढ नजर उठाएक देखत हए ता एक अचम्मो चिज पुहत आत देखत हए । ‘बो का हए’ कहिके मछर्हनके दिखात हए । देखन ताहिँ सब मछर्हा दौर पडत हएँ । पानी मैसे निकारके देखत हएँ ता हिरामोती और सोनोसे मण्ह्रो काठमजुसा । मछर्हा कहत हएँ कि, ‘जा काठमजुसा हम निकारे हम लेमङ्गे ।’ तव कुमाढ कहत हए कि, ‘मएँ देखो तव तुम निकारे । उपरके तुम बाँटलेव काठमजुसा भितर जो निकरैगो बो मोके दैदिअओ ।’ कुमडाके बात सुनके सब मछर्हा मानजात हएँ । मछर्हा सोनेके मण्ह्रो चिज सब लैचले जात हएँ । खालि काठमजुसा छोड जातहएँ । कुम्डनिया अपन लोगासे कहत हए कि, ‘काठमजुसा खोलके देखओ भितर का चिज हए ?’ खोलके देखत हएँ ता बो भितर लौँडिया खेलत होत हए । निरवंशी कुमाढ कुम्डनिया लौँडियाके पाएके बहुत खुसी हुइजात हएँ । बे सोरठके अपन घरे लैचले जात हएँ । ऐसि सोरठ सुथरि रे सिँक बरण करेहाओँ सिँक बोर पानी पियए रे आँट फटए मरिजाए ।। बलकुमाढ कुम्डनिया अपन लौँडियाके नाउँ सोरठ धरदेत हएँ । बे सोरठके अपने सगि लौँडिया जैसो पालत हएँ । सोरठ बडि अचम्मि लौँडिया होत हए । सोरठ दिखानमे खुब सुथरि होत हए पर सिँका जैसि पतरि होत हए । सोरठ पानी पियत हए ता बोके आँटि फटजाबए और मर्जाबए फिर जिन्दा हुइजाबए । ऐसि दिन बितत गए औ सोरठ धिरेधिरे बडि होत गइ । कुछ साल बाद सोरठ जवान हुइजात हए । सोरठ इतनि सुथरि दिखाबए कि जब कुँइयामे पानी भरन जाबए तव प्यासे पानी पियन तलक भुल जामएँ । गाउँ बारे कहएँ, ‘सोरठसे जौन ब्याह करैगो बोके भाग खुल्जाबैगो ।’ काम करन इकल्लो सोरठ घरसे बाहिर निकरए । काम ना होबए तव बो घरमे कुचि रहए । सोरठकि ऐया आँगनमे सुखौनो डार जाबए । लौँडिया घरसे बाहिर ना निकरए कहिके सोरठकि ऐया आँगनमे सुखौनो डारके लम्बि रसरि बाँध देबए । और सोरठसे कहए, ‘ललो रि घरसे बाहिर मत निकरिए’ ऐसि कहिके अपना काम करन चलिजाबए । सोरठ घरए भितरसे मुर्गियनके दलाओ करए ।                                                                                                           सोरठ लोककथा संग्रहके लेखिका लक्ष्मी राना  एक दिन कक्ष राजा सिकार खेलन जात हए । सिकार खेलतए खेलत राजा बल कुमाढके गाउँ पुग्जात हए । राजाके जोडसे पानी प्यास लागि । तव राजा कुइयामे पानी पियन जातहए । कौन छेँकमे राजाके नजर सोरठमे पडजात हए । राजा अपन नोकरसे पता लग्बात हए कि, ‘कुमाढके घर कौन लौँडिया हए ?’ सर्वगुण सम्पन्न  सोरठके देखतए राजाके मन पड्जात हए । अब राजा सोरठके अपन रानी बनैया । राजा सोरठके देखन ताहिँ रोज अपन घोडाके सुखौनो खान पठाओ करए । घोडा फिर सिखो । घर भितरसे सोरठ रसरि हलाबए तव घोडा भाजैनाएँ । घोडा घरिघरि सुखौनो खान आबए सोरठके बाहिर निकरके घरिघरि दलान पडए । राजा सोरठके देखन ताहिँ ओट बैठो रहए । जैसि घोडा दलान बाहिर निकरए राजा सोरठके खुब देखो करए । ऐसि दिन बितत गओ । एक दिन कक्ष राजा बल कुमाढके गाउँ आनको खबर गाउँमे फैलबाइ । राजा सात सहेलके साथ गाउँमे आओ । गाउँके सबए लोग, बैयर, लर्का, जमान सब देखन जामएँ । सोरठ फिर अपन सात सहेलिनके संग राजाके देखन गै । गाउँके सबए मनैनके बिच राजा ठाह्रो । तव राजा अपन सखनसे पुँछत हए कि, बरन बरन घैलि बनि रे एक बरनि पनिहार मएँ तोसे बुझओँ ए सखा रे यिन मैँसे सोरठ कौन ? ‘इतनो लौँडियनके बिचमे सोरठ कौन हए ? चिन्हाइ ना देत हए ।’ तव राजाके सखा कहत हए कि, बरन बरन घैलि बनि रे एक बरनि पनिहार सोनेक कलसा सिरय धरे हयेँ बेहिँ सोरठ नार ।। ‘जौन सोनेक कल्सा मुडमे धरे हए बहे सोरठ हए ।’ तव राजा देख लेत हए ।  राजाके आसपास फिर बोके तमान सखा बैठे । सोरठ सिर्फ कक्ष राजाके बारेमे सुनि रहए पर कबहि देखि ना रहए । तव सोरठ फिर अपन सहेलिनसे पुँछत हए कि, बरन बरन घोडे बने रे एक बरनि असबार मएँ तोस बुझओँ ए सखी रे यिनमे राजा कौन ? ‘ए सखि जे मैँसे राजा कक्ष कौन हए । मएँ ता तिन्हि ना पाओ ?’ तव बोक सहेली मस्कि कि, बरन बरन घोडे बने रे एक बरनि असबार सोनेक छत्तुर सिरय धरे हयेँ बेहिँ राजा कक्ष ।। ‘तए इत्कौ ना चिन्ह पाओ । जौन सोनेक छत्तुर सिरमे धरे हए बहे राजा कक्ष हए ।’ तव राजा और सोरठके बिचमे चिनाजानि भै । तव सोरठ राजासे कहि कि, आज बसेढो राजा हिँयए करओ रे देहओँ बढैया खाट पान सुपारी सिरए गेँदुवा दुधसे फुकारओँ तेरो पाँव ।। ‘इतनो दुरसे तुम आए हओ । आज तुम मिर घर रात रहिलेव । मिर घरमे पान सुपारी जो जुरयहए बहे खबएहओँ और दुधसे तुमर पाँव धोएके तुमर सेबा करहओँ । दिलसे तुमर स्वागत करहओँ ।’ राजा सोरठके बात मान लेत हए और सोरठके घरमे रात रहत हए । पाँयेन घोडे टपे टपे रे घोडे हिसएँ दाँत सोबत सोरठ उजकि रे आए हएँ राजकुमार ।। सिर्फ सोरठके ताहिँ कक्ष जैसो बडो राजा बलकुमाढके घरमे रात रहत हए । बिनकि घरको खानु खात हए । राजा सोरठसे कहत हए कि, ‘मएँ तुमर घर रहो । तुम फिर हमर राजमहल ऐयओ पहुना बनके ।’ तव सोरठ कहत हए कि, ‘ठिक हए मएँ आमङ्गो ।’  सोरठ राजमहल जानक समरन लागत हए । तव बोके सहेली कहन लागिँ कि, ‘बो ता कक्ष राजा हए पानी भितर रहत हए । तए हुँवा कैसेके जाबैगो । पानी भितर तए रहि ना पएहए ।’ तव सोरठ कहि, ‘हाँ सखी तुम सब ठिकए कहत हओ ।’ सोरठ राजमहल नजानको बात राजासे कहत हए । तव राजा सोरठके बात सुनके कहत हए कि, तए रानी मतको हिनो कि तेरि ओछि बुध काहेक बिरा दओ रहए रि काहेक लओ घुमाए ? ‘तुम कैसे हओ कभि कहत हओ जएहआँे । कभि कहत हओ ना जएहओँ । सोरठ तुमर ठिन बहुत बुद्धि हए । तुम दुर तक सोच लेत हओ पर तुम काहे कहे जएहआँे । फिर काहे कहत हओ ना जएहओँ ।’ तव सोरठ कहत हए कि, ना मएँ रानी मतको हिनो नएँ मेरि ओछि बुध सात सखिनके बोलमे रे बिरा लओ घुमाए ।। ‘मिर थिन इतनो बुद्धि ना हए । मएँ जबैया रहआँे पर का करओँ । सात सहेलिनके बोलमे पडिगओ और अपनो बिरा घुमाए लओ । जा चोटि नाएँ दुसरो चोटि जरुर जामङ्गो ।’ तव राजा दुखी हुइके कहत हए कि, तुम मण्डिलकि रानिया रे हम पानीके कक्ष घर घर बाछा ना करओ रे जेहिँ बडेनकि हए रित ।। ‘तुम मन्डिलमे बैठन बाले और मएँ पानीमे बैठन बालो । मएँ तुमर बोल मानके तुमर घरमे रात बैठो । जौनके घरमे रात रहत हएँ । बोके अपन महलमे आनक निउतो देत हएँ जहे हमर पुर्खनसे चलो आओ रित हए । तभि मएँ तुमके निउतो दओ पर तुम घरिघरि झुठो बाचा मत करेकरओ । मएँ तुमके अपन रानी बनैया हओँ । अगलि चोटि तुमके मएँ ब्याहन अएहओँ ।’ राजाके बात कोइ ना टारपात हएँ । बलकुमार सोचत हए कि माटिके काम करके जिन्दगी गुजर करन बालेक लौँडियासे कक्ष जैसो राजा बिहा करनको ता बहुत बडो सौभाग्य हए । जेहिँ बात सोचके बलकुमाढ सोरठके ब्याह करनको हुँकारि राजाके दैदेत हए । राजा बडो खुसीके साथ बिदाबारि लैके अपनो राजनगरी लौट जातहए । राजाके घरमे और राजनगरीमे बडो उत्सबके साथ ब्याहके तयारी होन लागो । होना सोरठके घरमे फिर बडो धुमधामसे ब्याहके तयारी होबए । राजा बल कुमाढके घर ब्याहन आओ । सोरठ सजके बैठि होत हए । सोरठ राजाके हँथियामे बैठो सरमे पगा बाँधे मोखोसे देखत हए । अन्तरज्ञानी सोरठ जान लेत हए कि, ‘जौन राजा ब्याहन आओ हए । बो बोके जनम देनबालो बाप हए ।’ फूलसे सजो मण्डपमे कक्षराज झगापगा बाँधे आत हए । फिर सोरठ अपन सखी सहेलिनके संग आत हए । मण्डपके आसपास राजघरानोके लोग ब्याहमे आए भए तमान देशके राजारानी, राजकुमार और नगरनगरीके आदमी जम्जमाने होत हएँ । मण्डपमे राजासे कैसे कहओँ कहिके सोरठ समखत हए । फिर सोरठ भ्युँरबान बखत हुँवैपर कहत हए कि, दबु धरओँ त पगु पडओँ रे पग पग बर्सए पाप जा कलजुग अनरित हए रे बेटिक ब्याहए बाप । राजा बेटी जयचन्दकि पालि बल कुमाढ राजा मरहए रोरके तए जितैगो रे खन्धार ।। उत्तर उत्तर कियुँ न फिरगए उत्तर तुमरो हए देश देख तुमारी सुरत रे हृदयमे लागो हए चोट ।।। ‘मएँ तेरे सगि लौँडिया हओँ । मएँ जल्मतएक तए मोँके काठमजुसामे धरके समन्दरमे पुहाएदओ । मोके बलकुमाढ पालपोसके बडो करि । तए जैसे भिँयुरिके ताहि पाँव बढान डटो हए । तेरो पाँव पाँवपर पाप बर्सन डटो हए । आज अगर तए मोसे ब्याह करो ता जा बडो भारि पाप होबैगो । तए कहाँ जाएके अपन पाप धोबैगो । तए जा जुगमे रोरके मरैगो । मएँ तोसे ब्याह ना करहआँे । तए जौन डगर आओ हए बहे डगर चलो जा । आज तेरि जा सुरत देखके मनमे बडो चोट लगो हए ।’ सोरठके जा बोल सुनके कक्षराज झस्कत हए और पुरानि बात समख लेत हए । तओ राजा सोरठसे कहत हए कि, फिर कहो बेटी फिर कहओ रे कहियओ बेहिँ बोल बेहिँ बोलके कारन घरसे करङ्गो तेरो ब्याह ।। ‘तए अभे जो जे सारि बात कहो हए एक बार फिर कहो । अगर तए सचमे मिर अपनि बेटी हए मएँ तेरो ब्याह अपन घरसे करबामङ्गो । अपन हाथसे मएँ तेरो कन्यादान करङ्गो ।’ सबके सामने कक्ष राजा सोरठके अपने बेटीके रुपमे अपनात हए । राजा सोरठकि ब्याह बहे मन्डपमे बडे धुमधामसे सोरठके मन पडो राजकुमारसे करबाए देत हए । राजा अपन हाथसे सोरठके कन्यादान करत हए । राजमहलमे लदबद सन्तानके रुपमे एक बेटी जलमि पर अपन बेटीके बिन देखे राजाके बहान पडिगओ । जब बेटी जवान भै अपनो बाप ब्याहन गओ । जे बात समखके राजाके मनमे बडो चोट लागो । पर अपन लौँडियाके फिरसे पाएके अपन हाथसे कन्यादान करके कक्ष राजा जा जुगकि रित बचाए लेत हए । राजा बडो खुसी होत हए ।                                                                         स्रोतव्यक्तिः राममती राना (कैलारी गाउँपालिका ९,गदरिया, कैलाली) (सोरठ लोककथा संग्रह २०७९ माघ २० गते ७औं राष्ट्रिय थारु साहित्य सम्मेलनमे विमोचन हुइटि बा)

माघ टु लौव बरस हुइटो 

माघ टु लौव बरस हुइटो 

४१५ दिन अगाडि

|

२९ पुष २०७९

                                             मानबहादुर चौधरी “पन्ना” माघ टु लौव बरस हुइटो  माघ टु मुक्तिक दिवस हुइटो  माघ टु सद्भावके प्रतिक हुइटो  माघ टु मेलमिलापके प्रतिक हुइटो । हरेक साल सबजन माघ मनैठ हरेक साल टुुहार नाउँम महोत्सव कर्ठ  हरेक साल टुहार नाउँम नाच, नौटङ्की कर्ठ  हरेक साल लर्कासे बुह्राइलसम लौव लुगा घल्ठ  तर, लौव जोश जाँगर हुइल ठर्या नि डेख्ठु लौव उमङ्ग उत्साह ब्वाकल बठिन्या नि डेख्ठु टुहिन लौव बरसम लौव उमङ्ग डिह नि स्याक ठुइट  मुक्ति दिवसके दिन फेन  हमार निर्डोेस डाडुभैया बन्दी बनल बनल बाट सद्भाव सहिष्णुताके रटान सरकार कर्टि रहठ  खै का कारनले सरकार हमन कर्या नजरले हेर्टि रहठ हमार हक अधिकारप्रति सद्भाव नि डेख्ठु  एक्क देशक नागरिकम फेन समानता नि डेख्ठु  हरेक बरस माघ महोत्सव मनैलक,  गीत गैलक फगट फगट डेख्ठु । ओह मार, जाट्टिक मुक्तिक डगर खोज्डेउ टु समानता, सद्भावके डगर खोज्डेउ टु थारुन दासताके नजरसे केल हेर्ठ  हमार हक अधिकारके सहर खोज्डेउ टु माघ टुहार नाउँम कत्रा मनै दुखके गीत फे गैठ माघ टुहार नाउँम कत्रा मनै खुशीक गीत फे गैठ माघ टुहार नाउँम कत्रा मनै मुक्तिक गीत फे गैठ माघ टुहार नाउँम रहरके गीत फै गैठ ।  तर,  टुहार सुग्घर गीतम फे  आधुनिकताके अश्लिल फुलकुमारी केल डेख्ठु  शब्दक अर्ठ नि बुझ्ना डिजेक ढ्वाङ्ग केल डेख्ठु  मदहोस हुइल ठर्या बठिन्न्के स्वाङ्ग केल डेख्ठु महि दुख लागठ,  म्वार पुस्ता माघमसे का सिखट ? भर्खरिक भैयाबाबु हुक्र संस्कृतिसे का सिखट ? म्वार बुडि, बुबा, नट्या, नटिनेन् का सिखाइट ? खै कहाँ कमजोरी हुइटा ? आज म्वार संस्कृति रुइटा आधुनिकताके फरिया पेहर्ख घिनलग्टिक हुइटा । काखर कि, माघ टुहार गीत मृदङ्ग ट हमार पहिचान हो  माघ टुहार नाच ट हमार चिन्हारी हो  हमार पुर्खनके सैडान हो  ओहमार माघ,  अर्जि लगाइटु, बर्जि लगाइटु  सक्कु युवा पुस्ता हुकहन गाउँबस्तीक गोची गोचा हुकहन आधुनिकताम रमैटि रलक फुलकुमारी हुकहन  सबजहन लौव जोश ओ जाँगर डेउ गीतबासके सुग्घर मागर डेउ ठुन्यार भावना ओ लौव उमङ्ग डेउ आफन हक अधिकारके लाग लर सेक्ना जङ्ग डेउ  हे मोर डाइ बाबा हे मोर बुडि बुबा हे मोर काकी काका आफन पुस्तन  असल संस्कार ओ ढङ्ग डेउ छत्रि असक जोढा विर बिरङ्गनके सङ्ग डेउ ।                                     वीनपा–२, सुर्खेत